News
Լրահոս
News
Չորեքշաբթի
Նոյեմբեր 14
Տեսնել լրահոսը

Հայաստանում մտադիր են ընդերքի օգտագործման եւ օգտակար հանածոների արդյունահանման ոլորտում թափանցիկությունը մեծացնել: Համապատասխան օրինագիծը, որով մի շարք լրացումներ են նախատեսված Ընդերքի մասին օրենսգրքում, Հարկային օրենսգրքում եւ Վարչական իրավախախտումների մասին օրենսգրքում, հավանություն ստացավ կառավարության հունվարի 25-ի նիստում: Օրենսդրական փաթեթը նորկայացրեց էներգետիկ ենթակառուցվածքների եւ բնական պաշարների նախարար Աշոտ Մանուկյանը:

Նրա խոսքով՝ լրացումների նպատակն է ազգային օրենսդրության համապատասխանության ապահովումը միջազգային «Արդյունահանող ճյուղերի թափանցիկության նախաձեռնություն» (ԱՃԹՆ) կոալիցիայի ստանդարտներին: «Այս ստանդարտներով նախատեսվում է ամենամյա հաշվետվություն ընդերքի օգտագործման համար պետության տրամադրած թույլտվությունների, արդյունահանման ծավալների, հարկային մուտքերի եւ օգտակար հանածոների արդյունահանման ոլորտում  այլ տեղեկությունների մասին»,- նշեց նախարարը:

Նա պարզաբանեց, որ ներկայումս Հայաստանի օրենսդրությունը ընդերքի օգտագործման ոլորտում գործունեության թափանցիկության մասին դրույթ ունի, սակայն հստակ չի պարզաբանում, թե հատկապես ինչպիսի տեղեկություններ եւ ինչ սկզբունքով են հրապարակման ենթակա: «Հետազոտությունները ցույց են տալիս, որ ընդերքի օգտագործման թույլտվություններ տրամադրելու ոլորտում որոշակի հրապարակայնություն կա, սակայն դրանց իրավական հիմնավորվածությունը չի պարզաբանվում: Նաեւ չեն հրապարակվում տեղեկություններ տրամադրվող ռեսուրսների քանակի եւ արդյունահանման ծավալների մասին»,- ասաց Մանուկյանը՝ շարունակելով, որ դրանից բացի, ընկերությունները հաճախ տեղեկությունները չեն հրապարակում՝ վկայակոչելով կոմերցիոն գաղտնիքը, քանի որ օրենքով ամրագրված չէ, թե որ տեղեկություններն են կոմերցիոն գաղտնիք համարվում: 

Լրացումներով նաեւ նախատեսվում է ընդերքի օգտագործման ոլորտում գործունեության հրապարակայնության մասին պահանջների խախատումների համար տուգանքների ներդրում: Մասնավորապես՝ կառավարության աշխատակազմ եւ իրավասու մարմիններ հրապարակային հաշվետվության ներկայացման ժամկետների խախտման համար համապատասխան պաշտոնատար անձինք կտուգանվեն 150 հազար դրամով: Եթե տուգանքի կիրառումից հետո ընկերությունը 10 օրվա ընթացքոեւմ համապատասխան հաշվետվությունը չներկայացնի, պատասխանատու պաշտոնատարները կտուգանվեն արդեն 200 հազար դրամով: Մեկ տարվա ընթացքում պահանջի կրկնակի խախտման դեպքում տուգանքը կկազմի 300 հազար դրամ:

Հայաստանը ԱՃԹՆ-ին անդամակցելու հայտ է ներկայացրել 2016 թվականին, իսկ 2017-ի մարտին ստացել է թեկնածու երկրի կարգավիճակ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՌԴ օդանավակայաններում անհավասար պայմանների առկայությունը հակասում է ԵՏՄ-ում առողջ մրցակցության սկզբունքներին. Շաբոյան
Տեղեկացնենք, որ «Տարոն Ավիան» դիմել էր ՏՄՊՊՀ՝ դժգոհելով ռուսական օդանավակայանների տարբերակված գնային քաղաքականությունից...
Դոլարի վերելքը կանգ չի առնում. Նրան միացել է եվրոն
Թանկարժեք մետաղների համար բանկի կողմից սահմանվել են հետեւյալ գները...
2019-ից Հարկային ծառայությունը միջոցներ կձեռնարկի անկանխիկ գործառնությունների ավելացման համար
Big Data-ի օգտագործումը հարկային վերլուծության մեջ նույնպես առաջնային խնդիր է ՊԵԿ-ի համար...
Բա ո՞ւր մնաց հեղափոխություն, ո՞ւր մնաց կոռուպցիայի դեմ պայքարը. Գագիկ Մինասյանը թվային համեմատություն արեց
Կառավարության ծրագրում հեղափոխական, առաջանցիկ զարգացման թեզեր էին գործունեության բոլոր ոլորտներում, սակայն այսօր բյուջեի քննարկման ժամանակ հնչում են բոլորովին այլ գնահատականներ, որ բյուջեն իներցիոն է ...
Ներդրողներն ուսումնասիրում են ՀՀ-ում պղնձաձուլարաններ ստեղծելու հավանականությունը. Փաշինյան
Սա նշանակում է, որ մենք ոչ թե ուղղակի խտանյութը կարտահանենք...
Դուք ընտրվեցիք վարչապետ, բայց ներդրումները դեռ հեռախոսազանգերի մակարդակում են. Կյուրեղյանը՝ Փաշինյանին
Հիմա խոստումների հիման վրա՞ եք ուզում զարգացնել ՏՏ ոլորտը, գյուղատնտեսությունն ու զբոսաշրջությունը...
Partner news