Աստերոիդը, որի տրամագիծը գնահատվում է 0,5-ից մինչեւ 1,2 կմ, Երկրին կմոտենա փետրվարի սկզբին: Ինչպես հաղորդում է ԱՄՆ Օդագնացության եւ տիեզերական տարածության հետազոտությունների ազգային գործակալությունը (ՆԱՍԱ), 2002 թվականին հայտնաբերված երկնային մարմինը, որը ստացել է 2002AJ129 համարը, կանցնի մոտ 10 անգամ ավելի մեծ հեռավորության վրա, քան Երկրից մինչեւ Լուսին հեռավորությունն է:
Փետրվարի 4-ին մոտեցման ժամանակ աստերոիդը կգտնվի Երկրից 4.2 միլիոն կիլոմետր հեռավորության վրա: Դրա արագությունը գնահատվում է 34 կմ/վրկ: Աստղագետները կարծում են, որ երկնային մարմնի՝ Երկրի վրա ընկնելու սպառնալիք չկա եւ չի սպասվում:
Բացի այդ, ըստ Newsweek ամսագրի, փետրվարի 4-ին եւս մեկ համեմատաբար մանր երկնային մարմին կմոտենա մեր մոլորակին՝ 0-24 մետր տրամագծով 2018AH12 աստերոիդը: Այն կանցնի 5 անգամ ավելի մեծ հեռավորության վրա, քան Երկրից մինչեւ Լուսին հեռավորությունն է: