News
Լրահոս
News
Երեքշաբթի
Փետրվար 27
Տեսնել լրահոսը

Իսպանիայի ԱԳ եւ համագործակցության նախարար Ալֆոնսո Դաստիս Կեսեդոն Դավոսում Համաշխարհային տնտեսական համաժողովի շրջանակում անցկացվող բանավեճերի ժամանակ ուշագնաց է եղել: Այս մասին հայտնում է El Mundo պարբերականը:

ԱԳ նախարարը ՀՏՀ-ում ուղեկցում է Իսպանիայի թագավոր Ֆելիպե VI-ին: Միջադեպը տեղի է ունեցել չորեքշաբթի, երբ սոցիալական համախմբվածության վերաբերյալ համազրույցում 62-ամյա նախարարը գիտակցությունը կորցրել է: Միապետը եւ բանավեճի մյուս մասնակիցները իրենց տեղերից ոտքի են կանգնել դիվանագետին օգնելու:

Բանավեճը համակարգողը չի ճանաչել Իսպանիայի ԱԳ նախարարին, սակայն խնդրել է նրան բուժօգնություն ցույց տալ եւ բանավեճն ավարտել է: Բժիշկի գալուց հետո նրան բուժկետ են տեղափոխել: Չնայած դիվանագետի վիճակը շուտով բարելավվել է, նա չի կարողացել թագավորին ուղեկցել հաջորդ որոշ հանդիպումներին:

!
Այս նյութը հասանելի է նաև   Русский
Տպել
Ամենաշատ