Վայոց ձորի մարզում քիչ առաջ ողբերգական վթար է տեղի ունեցել:
Հայաստանի ԱԻՆ-ի փոխանցմամբ, ժամը 13:15-ին ահազանգ է ստացվել, որ Ելփին-Չիվա ավտոճանապարհին բեռնատարը բախվել է քարերին ու շրջվել:
Պարզվել է, որ Մ-2 ավտոճանապարհի Երեւան-Մեղրի հատվածի 102-րդ կմ-ին «ԿԱՄԱԶ» մակնիշի 34 AN 592 պետհամարանիշի բեռնատար ավտոմեքենան դուրս է եկել ավտոճանապարհի երթեւեկելի հատվածից եւ կողաշրջվել, ինչի հետեւանքով վարորդ՝ 1960 թ. ծնված Ռ. Հ.-ն եւ ուղեւոր՝ 1959 թ. ծնված Ռ. Ա.-ը տեղում մահացել են:
Փրկարարները հոսանքազրկել են ավտոմեքենան, Ռ. Հ.-ի դին դուրս են բերել ավտոմեքենայից, իսկ Ռ.Ա.-ի դին՝ բեռնատարից (մոտ 20 մ) եւ մոտեցրել շտապօգնության ավտոմեքենային: