Zangi ընկերությունն այս տարի եւս առանձին տաղավարով կմասնակցի mobile ոլորտի համաշխարհային խոշորագույն ցուցահանդեսին՝ Mobile World Congress-ին։
Ցուցահանդեսը տեղի է ունենալու փետրվարի 26-ից մարտի 1-ը Բարսելոնայում։ Հայաստանյան ընկերություններից Zangi-ի միակն է, որ մասնակցելու է որպես ցուցադրող, նմանատիպ մեծամասշտաբ եւ համաշխարհային հեղինակություն վայելող միջոցառմանը։ Zangi-ն ցուցահանդեսին կներկայանա իր նոր հեղափոխական հեռահաղորդակցման տեխնոլոգիաներով, որոնք իրենց ցուցանիշով գերազանցում են հեռահաղորդակցման բնագավառի ամենախոշոր ընկերությունների արտադրանքներին։
Ամենամյա ցուցահանդեսին այս տարի մասնակցելու է ավելի քան 2300 կազմակերպություն, որոնց շարքից կարելի է առանձնացնել հետեւյալ խոշոր եւ հեղինակավոր ընկերությունները՝ MasterCard, Netflix, Facebook, PayPal, Lenovo, Verizon, Cisco Systems, China Mobile, Ericsson, Ford, Google, AT&T, D-Link Corporation, HTC, Huawei, IBM, Intel, LG, Microsoft, NEC, Nokia, Orange, Samsung Electronics, Sony Mobile, Telefónica, Vodafone, ZTE, Twilio եւ այլն։
«Mobile World Congress-ը հեռահաղորդակցման ոլորտի տարվա կարեւորագույն իրադարձությունն է եւ այն կարեւոր է ոչ միայն մեզ համար, այլեւ Հայաստանի, որպես տարածաշրջանային ՏՏ ներուժ ունեցող երկրի: Ցուցահանդեսին մասնակցում են ոլորտի հսկաները, նախ որովհետեեւ մասնակցությունը բավականին թանկարժեք է, իսկ հետո պետք է համաշխարհային շուկայում մրցունակ արտադրանք առաջարկել: Մենք միջազգային շուկայում մեծ պահանջարկ ունենք եւ դրա վառ ապացույցն էր նախորդ տարվա մեր մասնակցության արձագանքներն ու համագործակցության բազմաթիվ առաջարկները։ Մենք մարտահրավեր ենք նետում ոլորտի գերհզորներին ու պատրաստ ենք դիմակայել, թե մրցակիցներին եւ թե շուկայի հետաքրքրությունը»,- մեկնաբանում է Zangi-ի հիմնադիր Վահրամ Մարտիրոսյանը:
Zangi-ն հանդիսանում է հեռահաղորդակցության ոլորտի տեխնիկական լուծումների եւ ծրագրային ապահովման մատակարար։ Ընկերությունը համանուն հավելվածով մուտք գործեց միջազգային շուկա 2015թ.-ին եւ հանդիսանում է առաջատար միջազգային B2B (Business-to-Business) շուկայում՝ համագործակցելով աշխարհի 12 երկրների 20+ ընկերությունների հետ։ Zangi-ն աշխատում է ամենուր՝ ապահելով որակյալ կապ նույնիսկ թույլ ինտերնետի ժամանակ։ Բեռնել հավելվածը կարող եք այստեղ՝ https://zangi.com/gz ։
