Դավոսում ԱՄՆ նախագահ Դոնալդ Թրամփի ավտոշարասյան ավտոմեքենան ոստիկանի է խփել, հայտնում է Blick պարբերականը:
Պատահարը տեղի է ունեցել հինգշաբթի երեկոյան, երբ իրավակարգի պահապանը փորձել է կանգնեցնել շվեյցարական համարներով BMW X5 մակնիշի սպիտակ մեքենան, որը պարբերականի տեղեկություններով մտել է Դոնալդ Թրամփի ավտոշարասյան մեջ: Այդ պահին վարորդն արագությունը մեծացրել է եւ աջ կողմով հարվածել ոստիկանին: Պատահարը նկարահանվել է տեսահսկման սարքերից մեկով:
Պատահարի հետեւանքով ոստիկանը լուրջ վնասվածքներ չի ստացել, քանի որ կարողացել է արագ արձագանքել եւ մի կողմ ցատկել, ինչը հարվածի ուժը թուլացրել է:
Այս պահին ո՛չ շվեյցարական, ո՛չ ամերիկյան կողմից որեւէ պաշտոնական մեկնաբանություն չի կատարվել:
