News
Լրահոս
News
Չորեքշաբթի
Հոկտեմբեր 17
Տեսնել լրահոսը

Դավոսում ընթացող Համաշխարհային տնտեսական համաժողովի շրջանակներում ՀՀ վարչապետ Կարեն Կարապետյանը հունվարի 25-ին հանդիպել է Արաբական Միացյալ Էմիրությունների Շարժայի ներդրումների եւ զարգացման ընկերության («Sharjah Investment and development authority») ղեկավար Բոդուր ալ Քասիմիի հետ:

Կառավարությունից NEWS.am-ին հայտնում են, որ հանդիպմանը վարչապետ Կարեն Կարապետյանը ներկայացրել է Հայաստանում իրականացվող բարեփոխումների ընթացքը՝ ուղղված նաեւ ներդրումային դաշտի բարելավմանը եւ բիզնեսի համար ավելի բարենպաստ պայմանների ձեւավորմանը։

ՀՀ գործադիրի ղեկավարը շնորհակալություն է հայտնել տիկին Քասիմիին՝ իր ընտանիքի կողմից մի քանի տարի առաջ Հաղարծնի վանական համալիրում հիմնանորոգման աշխատանքներ իրականացնելու համար։

Բոդուր ալ Քասիմին, իր հերթին նշել է, որ Հայաստանը դիտարկում են որպես հետաքրքիր շուկա եւ նաեւ լավ հարթակ դեպի այլ խոշոր շուկաներ: Տիկին Քասիմիին նաեւ նշել է, որ տպավորված է Հայաստանի մշակութային ժառանգությամբ եւ ուրախ է, որ իր ընկերությունը մասնակցել է Հայաստանի ամենագեղեցիկ վանքերից մեկի վերանորոգման աշխատանքներին:

Կարեն Կարապետյանի հաջորդ հանդիպումը կանադական AECON ընկերության նախագահ եւ գլխավոր գործադիր տնօրեն Ջոն Բեքի հետ էր: ՀՀ վարչապետը ներկայացրել է Հայաստանի հնարավորությունները եւ իրականացվող բարեփոխումները, ինչպես նաեւ  պետություն-մասնավոր հատված ձեւաչափով իրականացվելիք մի շարք ծրագրերը, որոնք կարող են հետաքրքիր լինել ընկերության համար: Ջոն Բեքը իր հերթին նշել է, որ Հայաստանը՝ որպես զարգացող ու մեծ ներուժ ունեցող երկիր, շատ հետաքրքիր է կանադական ընկերության համար եւ իրենք կդիտարկեն բոլոր հնարավոր ծրագրերը եւ իրենց մասնակցությունն այդ ծրագրերի մեջ:

Ավարտելով Շվեյցարիա այցը՝ վարչապետ Կարեն Կարապետյանի գլխավորած պատվիրակությունը երեկ երեկոյան վերադարձել է Երեւան:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Փաշինյանի միակ ընդդիմությունը «տնտեսության վիճակն ու հեռանկարն է». Կարեն Ադոնց
Բոլոր զարգացած երկրները վաղուց ի վեր հասկացել են, որ իրական քաղաքականությունը տնտեսության արտացոլումն է, մնացյալը խաղ է՝ «բեմականացում»...
Նախատեսում ենք այնպես անել, որ միկրոբիզնեսն ազատվի հարկերից. Փաշինյանը՝ սիրիահայերի ցուցահանդես-տոնավաճառում
Նիկոլ Փաշինյանը կոչ է արել նրանց հետեւողական լինել նախաձեռնություններում եւ ընդգծել, որ ՀՀ կառավարությունը շարունակելու է...
Հաշվարկվել է 532 մլն դրամի շրջակա միջավայրին հասցված վնաս
Բնապահպանության եւ ընդերքի տեսչական մարմնի կողմից իրականացված ստուգումների, շրջայցերի, վարչական վարույթների քննության ընթացքում...
Ոչ մի պրոբլեմ չկա, եթե ԱԺ-ն չհասցնի ընդունել 2019-ի պետական բյուջեն. Փաշինյան
Սահմանադրության համաձայն՝ եթե հաջորդ տարվա բյուջեի նախագիծը չի ընդունվում, ապա գործում է նախորդ տարվա համամասնություններով…
Դոլարի ու եվրոյի փոխարժեքները նվազել են
Թանկարժեք մետաղների համար բանկի կողմից սահմանվել են հետեւյալ գները…
Նիկոլ Փաշինյանը նոր նշանակում է արել
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 4-րդ մասով...
Ամենաշատ
Partner news