ՄԱԿ գլխավոր քարտուղարը ընդունել է Սոչիում Սիրիայի ազգային երկխոսության կոնգրեսին մասնակցելու Մոսկվայի հրավերը եւ այնտեղ է ուղարկում Սիրիայի հարցով հատուկ ներկայացուցիչ Ստաֆան դե Միստուրային: Այս մասին նշվում է ՄԱԿ գլխավոր քարտուղարի մամուլի քարտուղար Ստեֆան Դյուժարիկի հայտարարությունում, հաղորդում է «ՌԻԱ Նովոստին»:
«ՄԱԿ գլխավոր քարտուղարը Ստաֆան դե Միստուրայի ճեպազրույցից հետո, նկատի ունենալով ՌԴ հայտարարությանը, որ Սիրիայի ազգային երկխոսության կոնգրեսի արդյունքները կփոխանցվեն Ժնեւ որպես միջսիրիական կարգավորման գործընթացի ներդրում՝ ՄԱԿ ԱԽ 2254 բանաձեւին համապատասխան, որոշել է ընդունել ՌԴ հրավերը եւ իր ներկայացուցչին Սոչի ուղարկել», — նշվում է շաբաթ տարածված հայտարարության մեջ:
ՄԱԿ գլխավոր քարտուղարը վստահություն է հայտնել, որ Սոչիի կոնգրեսը «կարեւոր ներդրում կդառնա» ՄԱԿ հովանու ներքո Ժնեւում անցկացվող միջտարածաշրջանային բանակցություններին: