«Բարգավաճ Հայաստան» կուսակցության անդամ Վարդան Բոստանջյանը չի բացառել, որ ԲՀԿ-ն կարող է դուրս գալ իշխող կոալիցիայից:
Դեկտեմբերի 28-ին, «Սիվիլիթաս» հիմնադրամի կազմակերպած «Հայաստան 2010. անորոշության տարի» զեկույցի քննարկման ժամանակ պատասխանելով լրագրողի այն հարցին, թե արդյոք հնարավո՞ր է, որ կոալիցիայում եղած անհամաձայնությունը բերի ԲՀԿ-ի կոալիցիայից հեռանալուն, պատասխանեց. «Ոչինչ բացառված չէ: Իսկ ինչ վերաբերվում է բուն «Բարգավաճ Հայաստանի» դուրս գալուն կամ մնալուն, ես մտածում եմ, որ այս գործընթացը չհասունացած վիճակում է արծարծվում: Միգուցե լավ է, որ արծարծվում է: Սրանից ուժերի, մտքերի կուտակում է տեղի ունենում, որն, ի վերջո, կարող է բերել նրան, ինչին որ կարող է բերել»,-ասաց ԲՀԿ ներկայացուցիչը:
