Սիրիայի քրդաբնակ Աֆրին թուրքական ներխուժման հետ կապված սոցկայքերում պետության համար ոչ հաճելի գրառումների համար Թուրքիայում արդեն 311 անձ է ձերբակալվել։
Թուրքական Cumhuriyet-ի փոխանցմամբ՝ Թուրքիայի ներքին գործերի նախարարությունը հիշյալ ձերբակալությունները հիմնավորել է սոցկայքերում «ահաբեկչության քարոզչության» կանխարգելումով։
Ուրֆայի դատախազությունն էլ հետաքննություն է սկսել Ուրֆայից ընտրված քուրդ պատգամավոր Օսման Բայդեմիրի դեմ՝ Աֆրինի գործողությունը «օկուպացիա» անվանելու մեղադրանքով։