ԵՄ-ի հետ համաձայնագիրը երկկողմ հարաբերությոններում շատ լուրջ ձեռքբերում է: Այս մասին հունվարի 29-ին ամփոփելով ԱԳՆ 2017 թվականի աշխատանքի արդյունքները՝ մամուլի ասուլիսի ժամանակ ասաց ԱԳ նախարար Էդվարդ Նալբանդյանը:
Նրա խոսքով՝ այս փուլում պետք է ամփոփել ձեռքբերումները եւ հետագա քայլերը որոշել դրա հիման վրա: Խոսքը հիմա վավերացմանն է վերաբերում: Հայաստանը մինչեւ ապրիլ վավերացման համար քայլերի մասին է հայտարարել: Բայց կաշխատենք մեկ քայլ առաջ լինել»,- նշեց նա: Նախարարի խոսքով՝ անհրաժեշտ է նաեւ, որ փաստաթուղթը վավերացվեն եվրոպական մյուս երկրները: Հնարավոր է, որ իրականացումը սկսվի մայիսի 1-ից կամ հունիսի: Մենք կշարունակենք ակտիվորեն մասնակցել ծրագրերին, որոնք արդեն սկսվել են կամ կսկսվեն, հավաստիացրեց նախարարը:
Ինչ վերաբերում է Ադրբեջանի այն պնդումներին, թե Բրյուսելյան հռչակագրում իբր նախապատվությունը տրվել է տարածքային ամբողջականությանը, ապա այդպես չէ: Այս հռչակագիրը շարունակում է Ռիգայի հռչակագիրը, որում հստակ նշված է ԵԱՀԿ Մինսկի խմբի համանախագահների աշխատանքին աջակցությունը, եւ վկայակոչվում են համանախագահող երկրների ղեկավարների հայտարարությունները: