Deutsche Bank-ը հաճախորդներին խորհուրդ չի տալիս ներդրումներ կատարել կրիպտոարժույթի մեջ, հայտնում է Bloomberg-ը՝ վկայակոչելով ներդրումային բանկի միջազգային ներդրումների բաժնի ղեկավար Մարկուս Մյուլերին, փոխանցում է «ՌԲԿ»-ն։
«Մենք խորհուրդ չենք տալիս անել դա։ Կրիպտոարժույթի մեջ ներդրումները միայն սպեկուլյատիվ ներդրումներ կատարողների համար են»,- ասել է Մյուլերը։ «Կա ներդրված միջոցներն ամբողջովին կորցնելու իրական վտանգ»,- հավելել է նա։
Բանկի վերլուծաբանների նշած ռիսկերից են բարձր վոլանտիլությունը, գնային սպեկուլյացիայի պոտենցիալ ռիսկը, տվյալների կորուստը կամ դրանց գողությունը։
Մյուլերի խոսքով՝ կրիպտոարժույթի արժեքի վերջերս գրանցված աճը արտացոլում է շուկայական խաղացողների «երեւակայության խաղը»։ Որպեսզի կրիպտոարժույթները վերածվեն ակտիվի՝ անհրաժեշտ է կարգավորել դրանց շրջանառությունը, ստեղծել թափանցիկ ու անվտանգ առեւտրային հարթակներ դրանց համար,համարում է փորձագետը։ «Մենք այդ ճանապարհի սկզբին ենք»,- նշել է նա։
Deutsche Bank-ի փորձագետի խոսքով՝ կարեւոր է, որպեսզի կրիպտոարժույթի շուկայի մասնակիցները համագործակցեն կանոնակարգող մարմինների հետ։ Միայն այդ դեպքումհինգից տասը տարվա ընթացքում ներդրողների մոտ կձեւավորվի վստահություն արժույթի այդ տեսակի հանդեպ, համարում է նա։ Մյուլերը նաեւ շեշտել է, որ չի կիսումկարգավորման հակառակորդների տեսակետները։ Նրա խոսքով՝ դա երաշխիք է, որ կրիպտոարժույթով գործարքները ազնիվ ու անվտանգ լինեն ։
Իսպանիայի բանկի ղեկավար Լուիս Մարիա Լինդեն ու ավստրիացի ներդրողների ասոցիացիան նույնպես համամիտ են, որ կրիպտոարժույթների մեջ ներդրումները բարձրռիսկեր են պարունակում, գրում է Bloomberg-ը։
Կրիպտոարժույթների հանդեպ իր թերահավատության մասին գործակալությամնը Դավոսում կայացած տնտեսական համաժողովի ժամանակ հայտնել է նաեւ շվեյցարականUBS Group խոշորագույն ֆինանսական հոլդինգի տնօրենների խորհրդի նախագահ Աքսել Վեբերը։ Նրա խոսքով՝ UBS-ն մտադիր չէ զբաղվել բիթքոինների առեւտրով կամ էլկրիպտոարժույթ առաջարկել իր հաճախորդներին՝ դրա կտրուկ արժեզրկման վտանգի պատճառով։ «Եթե ապագայում նման ներդրումները պարզապես «պայթեն», ապաներդրողները կսկսեն հարցնել՝ իսկ ո՞վ էր մեզ այն վաճառել»,- ասել է Վեբերը։
