Մինչ վերջերս համարվում էր, որ աշխարհում Thymichthys politus հազվագյուտ ձկան միայն մեկ խմբաքանակ կա։ Նրա քանակությունը 20-40 առանձնյակ է, հաղորդում է Nat-geo-ն։

Սակայն օրեր առաջ Ծովի եւ Անտարկտիկայի հետազոտության ինստիտուտի (Institute for Marine and Antarctic Studies, IMAS) եւ Reef Life Survey-ի դայվերները հայտնաբերել են երկրորդ խմբաքանակը Թասմանիայի ափերի մերձակայքում։ Յոթ դայվերներ հետազոտել են տարածքը երկու օր շարունակ։

Thymichthys politus ձկներն ապրում են փոքր տարածքում 50x20 մետրի վրա։ Ձկների հայտնաբերման հստակ տեղի մասին չեն հաղորդում։ Հայտնի է միայն, որ երկրորդ խմբաքանակն ապրումէ  առաջինից ոչ հեռու։

Thymichthys politus ձկները ոչ միայն եզակի են, այլեւ արտառոց, դրանք չեն կարողանում լողալ, ջրի տակ շարժվում են գրեթե քայլելով՝ օգտագործելով լողակները։