News
Լրահոս
News
Չորեքշաբթի
Հունվար 16
Տեսնել լրահոսը

Սինգապուրը այսօր հանդիսանում է տարածքով ոչ մեծ եւ բնական ռեսուրսներով ոչ հարուստ երկրի տնտեսական հաջողության լավ օրինակ: Այդ մասին NEWS.am-ի հետ զրույցում ասել է ՀՀ Կառավարության եւ ՄԱԿ-ի Կայուն զարգացման նպատակների նորարարական կենտրոնի ղեկավար, ՀՀ Կառավարության Ռազմավարական նախաձեռնությունների կենտրոնի խորհրդական Էրիկ Գյուլազյանը։

Անդրադառնալով Սինգապուրի փոխվարչապետի հետ Կարեն Կարապետյանի հանդիպմանը՝ նա նշել է. «Այն նաեւ հանդիսանում է հանրային կառավարման, պետական ծառայողների աշխատանքի արդյունավետության տեսանկյունից աշխարհի առաջատար երկրներից մեկը: Վարչապետ Կարեն Կարապետյանը եւ Սինգապուրի փոխվարչապետ Տարման Շանմուգարատնամը, որը նաեւ Սինգապուրի տնտեսական եւ սոցիալական հարցերի համակարգող նախարարն է, պայմանավորվեցին Սինգապուրի հանրային կառավարման փորձի փոխանցման վերաբերյալ՝ ներկայումս Կառավարության կողմից իրականացվող հանրային կառավարման համակարգի բարեփոխումների շրջանակներում»:

Ըստ Գյուլազյանի, մեր երկրի հանրային կառավարման ոլորտի մասնագետները կվերապատրաստվեն Սինգապուրի հանրային կառավարման լավագույն մասնագետների կողմից: «Մեկ այլ շատ կարեւոր թեմա, որ շոշափվեց՝ շուտով մեր եկրները կստորագրեն եկամուտների եւ գույքի կրկնակի հարկումը բացառելու եւ հարկումից խուսափելը կանխելու վերաբերյալ երկկողմանի համաձայնագիրը, ինչը ավելի թափանցիկ եւ գրավիչ դաշտ կստեղծի երկկողմ գործարար կապերի զարգացման համար: Սինգապուրը լավ շուկա է հայկական նիշային ապրանքների համար՝ բարձրակարգ գյուղմթերքի, ալկոհոլային եւ ոչալկոհոլային խմիչքների եւ մի շարք այլ ապրանքնրի համար: Պայմանավորվեցինք աշխատել մեր գործընկերների հետ այդ ուղղությամբ»,- նկատել է Գյուլազյանը։

Նա նշել է, թե սինգապուրի գործընկերոջը հետաքրքրեց ՀՀ վարչապետի կողմից ներկայացրած Հայաստանի լավ դիրքավորումը եւ մեր միջոցով միաժամանակ դեպի մի քանի ավելի մեծ շուկաներ մուտք գործելու հնարավորությունը՝ Եվրասիական տնտեսական միության շուկա՝ մեր երկրի ԵԱՏՄ անդամ լինելումիջոցով, դեպի ԵՄ շուկա՝ GSP+ արտոնյալ առեւտրային ռեժիմի եւ Իրանի շուկա՝ վերջերս բացված ազատ տնտեսական գոտու միջոցով: «Սինգապուրի փոխվարչապետը նշեց, որ ինքը Հայաստանը դիտարկում է որպես լավ եւ վստահելի գործընկեր նաեւ միջբլոկային համագործակցության զարգացման համար, մասնավորապես ASEAN-ի եւ ԵԱՏՄ-ի միջեւ: Այնպես որ առաջիկայում շատ գործ ունենք անելու միասին: Նաեւ կնախապատրաստենք պարոն Տարման Շանմուգարատնամի այցը, ում Վարչապետ Կարեն Կարապետյանը հրավիրել է Հայաստան»,- ասել է Գյուլազյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՊԵԿ-ն չէր կարող պատկերացնել, որ 50 կգ-ը «բիզնես» կդառնա. Դավիթ Անանյան
Հայաստանի Պետական եկամուտների կոմիտեի նախագահը խոստովանեց մաքսային ընթացակարգերի խախտման դեմ պայքարի անարդյունավետությունը…
Դոլարի փոխարժեքն աննշան նվազել է. եվրոն եւս էժանացել է
Թանկարժեք մետաղների համար բանկի կողմից սահմանվել են հետեւյալ գները...
ՊԵԿ–ի 128 աշխատակիցների աշխատանքից ազատումը միայն սկիզբն է. ՊԵԿ նախագահ
Կենտրոնացվել է ստուգումների գործառույթը, որի արդյունքում կատարվել է աշխատակազմի օպտիմիզացիա...
Հայաստան ավտոմեքենաների ներմուծումը 2 տարում գրեթե 4 անգամ աճել է. ՊԵԿ ղեկավար
2018 թվականին Հայաստան է բերվել 67 255 միավոր ավտոմեքենա 2017 թվականի 39 282 եւ 2016 թվականի 16 887 ավտոմեքենաների դիմաց…
Ինչո՞ւ է ՀՀ էներգետիկ ենթակառուցվածքների եւ բնական պաշարների նախարարությունը սպասարկում հանքատերերի շահերը․ ՀԲՃ
Եթե այս որոշման նախագիծը կառավարությունն ընդունի, ապա ՀՀ էներգետիկ ենթակառուցվածքների եւ բնական պաշարների նախարարն իրավունք է ստանում...
Հայաստանում օպտիմալացումը պետք է անցկացնել ապագայի հաշվարկով
Փորձագետը նշեց, որ Էկոնոմիկայի եւ գյուղատնտեսության նախարարությունների միավորման տրամաբանությունն անհասկանալի է, եթե հաշվի առնենք, որ գյուղատնտեսությունը ընդամենը տնտեսության ոլորտ է...