News
Լրահոս
News
Երեքշաբթի
Հունվար 22
Տեսնել լրահոսը

Մեղրիի ազատ տնտեսական գոտին հանդիսանում է հարմարավետ ելակետ բոլոր այն բիզնեսների համար, ովքեր ցանկանում են աշխատել Իրանի հետ, արտահանել իրանական շուկա: Այդ մասին NEWS.am-ի հետ զրույցում ասել է ՀՀ Կառավարության եւ ՄԱԿ-ի Կայուն զարգացման նպատակների նորարարական կենտրոնի ղեկավար, ՀՀ Կառավարության Ռազմավարական նախաձեռնությունների կենտրոնի խորհրդական Էրիկ Գյուլազյանը։

Նրա խոսքով, Հայաստանը ունի թափանցիկ, հասկանալի, տրամաբանական տնտեսական ենթակառուցվածք՝ ռուսական, եվրոպական եւ բոլոր այլ գործընկերների համար, ում հետաքրքիր է իրանական շուկան: «Մեր ֆինանսական համակարգը ձեւավորվել եւ կայացել է միջազգային ֆինանսական կառույցների հետ սերտ համագործակցությամբ եւ համապատասխանում է միջազգային բիզնեսի պահանջմունքներին: Սա շատ կարեւոր հանգամանք է անդրսահմանային բիզնեսի համար, ովքեր իրականացնում են միջազգային գործարքներ ամենօրյա ռեժիմով»,- ասել է Գյուլազյանը:

«Ներկայումս աշխատում ենք մեր բիզնես միջավայրի բարելավման վրա եւ Դավոսում մեր գործընկերներից ուղիղ ազդակներ ստացանք, որ միջազգային բիզնեսը տեսնում է այդ փոփոխությունը եւ զգում է այն: Մասնավորապես, դրա մասին շվեյցարական բիզնեսի անունից նշեց Շվեյցարական Համադաշնություն նախագահ Ալեն Բերսետը՝ Վարչապետ Կարեն Կարապետյանի հետ Դավոսում հանդիպման ժամանակ»,- նկատել է Գյուլազյանը:

Նա ասել է, թե ազատ տնտեսական գոտին լրացուցիչ տնտեսական խթաններ է տալիս բիզնեսին՝ արտադրելու հենց սահմանին եւ արտահանելու հարեւան 80 միլիոնանոց շուկա՝ առանց հավելյալ ռիսկերի: «Ազատ տնտեսական գոտին չի գործում իզոլացված: Դուք գիտեք, որ մենք ամենօրյա ռեժիմով աշխատում ենք իրանական գործընկերների հետ՝ փոխշահավետ արդյունք ապահովող բոլոր ուղղություններով եւ ազատ տնտեսական գոտին այդ համագործակցության արտացոլումներից մեկն է»,- նշել է խորհրդականն ու հավելել, թե ՌԴ փոխվարչապետ Արկադի Դվորկովիչի հետ վարչապետ Կարեն Կարապետյանը քննարկել է հայ-իրանական սահմանին բացված ազատ տնտեսական գոտում ռուսական բիզնեսի եւ կապիտալի ակտիվ ներգրավման, ԵԱՏՄ գործունեության հետ կապված հարցեր։ Անդրադարձել են նաեւ գյուղատնտեսության՝ մասնավորապես անասնաբուծության ոլորտում, համագործակցության հեռանկարներին, որը շատ հետաքրքիր է մեր ռուս գործընկերների համար. «Ներկայումս բանակցում ենք տարբեր երկրների բիզնես ներկայացուցիչների հետ՝ ազատ տնտեսական գոտի ներգրավելու համար եւ համոզված եմ շուտով կտեսնեք ռեալ արդյունքները: Գործընթացը իր նորմալ հունով գնում է»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գերմանացիները ճարտարագետ են, իտալացիները՝ դիզայներ, հայերը՝ ստեղծագործողներ. Փաշինյանը՝ շվեյցարացի գործարարներին
Նիկոլ Փաշինյանը Ցյուրիխում աշխատանքային ճաշ է ունեցել Շվեյցարիա-Հայաստան առևտրային պալատի ներկայացուցիչների և շվեյցարացի գործարարների հետ...
Անհասկանալի է, թե ինչ չարաշահումների եւ նախնական հաշվարկների մասին է խոսվում ՊԵԿ-ը. «Նաիրի ինշուրանս»
«Նաիրի Ինշուրանս» ընկերության պարզաբանումը՝ ՊԵԿ հաղորդագրության վերաբերյալ...
Դոլարն ու եվրոն էժանանում են. ռուբլին կայուն է
Թանկարժեք մետաղների համար բանկի կողմից սահմանվել են հետեւյալ գները…
2018-ի դեկտեմբերին անվավեր է ճանաչվել ՀԴՄ ստուգման 198 ակտ. ՊԵԿ
Դատական որոշ ակտեր, ինչպես նաեւ դրանց հիմքում ընկած մի շարք փորձագիտական եզրակացություններ, մտահոգիչ են...
«Նաիրի Ինշուրանս»-ը, ըստ նախնական հաշվարկի, պետությանը պատճառել է մոտ 200 մլն դրամի վնաս. ՊԵԿ
ՀՀ ՊԵԿ քննչական վարչության եւ Ոստիկանության ԿՀԴՊ ԳՎ աշխատակիցների համատեղ իրականացված միջոցառումների արդյունքում բացահայտվել է առանձնապես խոշոր չափերով հարկերը չվճարելու դեպք...
Հայաստանը սակավաջուր երկիր է. ջուրը երբեք չի կարող մեր տնտեսական աճի հիմքը լինել. Բագրատյան
Քանի որ շատ հարցեր առաջացան, ուստի կարեւոր եմ համարում խնդիրն ամփոփելը եւ մի քանիսին պատասխանելը...
Ամենաշատ
Ֆոտոռեպորտաժներ