ՌԴ գործող նախագահ Վլադիմիր Պուտինը, որը հայտարարել է հաջորդ ժամկետում առաջադրվելու մտադրության մասին, իր ընտրական շտաբի վստահված անձանց հետ հանդիպման ժամանակ կատակով նշել է, թե վիրավորվել է, որ իրեն չեն մտցրել ԱՄՆ, այսպես կոչված, «կրեմլյան զեկույցի» մեջ, հայտնում է «ՌԻԱ Նովոստի»-ն:
«Վիրավորական է»,- այսպես է Պուտինը պատասխանել հարցին, թե ինչպես է վերաբերվում այն հանգամանքին, որ ինքը չի ներառվել, այսպես կոչված, «կրեմլյան» ամերիկյան ցուցակում, որը ԱՄՆ Ֆինանսների նախարարությունը հրապարակել է հունվարի 30-ի գիշերը:
Դրա մեջ են մտցվել ՌԴ գրեթե ամբողջ ղեկավարությունը՝ սկսած վարչապետ Դմիտրի Մեդվեդեւից, եւ ռուսաստանցի խոշոր գործարարներ: Ցուցակում ընդհանուր ավելի քան 200 ազգանուն կա:
