News
Լրահոս
News
Երկուշաբթի
Հունվար 21
Տեսնել լրահոսը

Ներկայում դիտարկվում է Հայաստանում երկրաջերմային էլեկտրակայանների կառուցման ծրագրերի փաթեթային լուծման տարբերակը՝ «Ջերմաղբյուր» եւ «Կարկառ» տեղանքների համար մեկ միասնական ներդրողի ներգրավմամբ: Այդ մասին ՀՀ էներգետիկ ենթակառուցվածքների եւ բնական պաշարների նախարարությունում վարչապետի մասնակցությամբ խորհրդակցությանն ասել է նախարարի տեղակալ Հայկ Հարությունյանը։

Նա ներկայացրել է նաեւ այլընտրանքային՝ արեւային, քամու եւ հողմային էներգետիկայի զարգացման ուղղությամբ կատարվող աշխատանքները: Նրա խոսքով՝ վերականգնվող էներգետիկայի ընդլայնման ծրագրի շրջանակում երկրաջերմային ծրագրի նախապատրաստական աշխատանքների իրականացման շրջանակում պատրաստվել է «Կարկառ երկրաջերմային էլեկտրակայանի նախնական ինքնարժեքի հաշվարկը» հաշվետվությունը եւ հաշվետվության եզրակացության հայերեն թարգմանությունը: Ներկայում դիտարկվում է ՀՀ-ում երկրաջերմային էլեկտրակայանների կառուցման ծրագրերի փաթեթային լուծման տարբերակը՝ «Ջերմաղբյուր» եւ «Կարկառ» տեղանքների համար մեկ միասնական ներդրողի ներգրավմամբ:

2017 թ. իսպանական «Աքսիոնա Էներգիա Գլոբալ Էս. Էլ.» ընկերության հետ ստորագրվել է փոխըմբռնման հուշագիր` Հայաստանում հողմաէլեկտրակայանի կառուցման ծրագրի վերաբերյալ: Փոխըմբռնման հուշագրով նախատեսվում է ՀՀ-ում 100-150 ՄՎտ հզորությամբ հողմաէլեկտրակայանների կառուցում. ընկերությունն սկսել է քամու ներուժի գնահատման աշխատանքների իրականացումը:

Նախարարի տեղակալ Վարդան Գեւորգյանը զեկուցել է հանքարդյունահանման ոլորտում իրավիճակի մասին. 2017 թ. օգտակար հանածոների արդյունահանման նպատակով տրամադրվել է 26 թույլտվություն՝ 25 ոչ մետաղական օգտակար հանածոների, 1՝ հանքային ջրերի, ընդերքի երկրաբանական ուսումնասիրությունների համար՝ 24 թույլտվություն՝ 10 մետաղական օգտակար հանածոների երեւակումների եւ 14 ոչ մետաղական օգտակար հանածոների երեւակումների, երկրաբանական ուսումնասիրության 1 համաձայնություն, նավթի եւ գազի ուսումնասիրության 2 արտոնագիր, հանքային հումքի տեսակների արտահանման մեկանգամյա 2 լիցենզիա:

Կառավարության ղեկավարը նախարարության ղեկավար կազմի ուշադրությունը հրավիրել է ընդերքօգտագործողների կարգապահության խնդրի կարեւորության վրա՝ անդրադառնալով հանքերի օգտագործման լիցենզիաների տրամադրման հարցին. «Պետք է հետեւել մեր գործընկերների կարգապահությանը եւ հասկանալ՝ ինչպես ենք անում, որպեսզի այդ դաշտը մոտիվացնենք, որովհետեւ այնտեղ տնտեսական աճի մեծ ներուժ ունենք»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նավթի գներն աճում են
Մարտի առաքման համար Brent-տեսակի ֆյուչերսներն աճել․․․
Վրաստանը եւ «Գազպրոմը» երկու շաբաթվա ընթացքում կպայմանավորվեն Հայաստան գազի տարանցման շուրջ
Արդյունքները կհրապարակվեն նոր պայմանների քննարկումից հետո...
«Իմ քայլը». Աշխատակիցների հնարավոր կրճատումը «Գազպրոմ Արմենիա» ընկերության գործն ու իրավունքն է
«Գազպրոմ Արմենիայի» եւ իշխանությունների միջեւ բանակցությունները շարունակվում են...
ԵՏՄ վարչապետները փետրվարի 1-ին կքննարկեն միությունում գազի փոխադրման գնագոյացումը
Այս հարցը փետրվարի 1-ին կքննարկվի վարչապետների մակարդակով․․․
ԳԴՀ էկոնոմիկայի նախարարը պատասխանել է «Հյուսիսային հոսք-2»-ի առիթով ԱՄՆ-ի քննադատությանը
Գերմանիայի էկոնոմիկայի նախարար Պետեր Ալթմայերը հանգիստ է արձագանքել ․․․
Վրաստանը չի հրաժարվի Հայաստան ռուսական գազի տարանցումից
Վրաստանը չի պատրաստվում հրաժարվել տրանզիտային գործառույթներից․․․
Ամենաշատ