Աֆալինները (լատիներեն՝ Tursiops) ամենատարածված դելֆիններն են, ամբողջ աշխարհում բնակվում են տաք եւ չափավոր ջերմությամբ ջրերում, բացի Արկտիկայի եւ Անտարկտիդայի շրջաններից: Նրանք ձկով են սնվում եւ կարողանում են ինքնուրույն որս անել, բայց ավելի հաճախ հանդիպում են 30-70 աֆալինից կազմված խմբեր. ամենայն հավանականությամբ, վտառի անդամների նման քանակությունը օպտիմալ է ծովերի մեծ մասի կերային բազայի համեմատությամբ: Սակայն աֆալինները երբեմն վիթխարի միավորումներ են կազմավորում. առանձին մանր խմբերը միախառնվում են առավել խոշորներին: Գիտնականներին հայտնի են մի քանի հարյուր առանձնյակից կազմված աֆալինների վտառներ, փոխանցում է Nat-geo-ն:
Մեծ հաջողություն է միեւնույն վայրում դելֆինների այսպիսի կուտակում տեսնելը: Կենսաբանները, որոնք ուսումնասիրում են հնդկա-աֆրիկական աֆալիններին, ուշադրություն են դարձրել, որ վերջին տարիներին դելֆինների նույնսկ ոչ մեծ խմբերը «խոշորացել» են. եթե 2008 թվականին Հարավային Աֆրիկայում հանդիպում էին 18-20 առանձնյակից կազմված խմբեր, ապա 2016-ին՝ միջին վտառը կազմված էր 76 անդամից: Իսկ վերջերս հարավաֆրիկյան ջատարածքներում նկատել էն 600 աֆալինից կազմված խումբ:
Այս երեւույթի ճշգրիտ բացատրությունն անհայտ է, ենթադրվում է, որ աֆալինները ստիպված են ակտիվորեն միավորվել սպիտակ շնաձկներից պաշտպանվելու համար, որոնք այս շրջանում ավելի մեծաթիվ են դառնում: