Մեծ Բրիտանիայի ԱԳՆ-ում աշխատակիցներին թույլ չեն տալիս կերակրել տեղական կատվին: Փալմերսթոնը, որը պատասխանատու է նախարարությունում կրծողներին որսալու համար, գիրացել է եւ ծուլանում է իր պարտականությունները կատարել, հայտնում է The Telegraph-ը:
Նախարարության դեպարտամենտների ղեկավարներն այս շաբաթ ծառայողական իրազեկում են ստացել մկնորս կատվին կերակրելու մասին: Եվ չնայած գերատեսչության աշխատակիցները չեն նկատել, որ Փալմերսթոնը ավելորդ քաշ է հավաքել, հիմա նրան ուտելիք տալը խստիվ արգելվում է:
Կատվին նախարարության գլխավոր մկնորս են նշանակել 2016 թվականին: Ի դեպ, նա Լարրի անունով գործընկեր ունի, որն ապրում է Բրիտանիայի վարչապեի նստավայրում: