Կոնգրեսականներ Քեն Բաքը, Ջո Քենեդին եւ Գրեյս Մենգը անդամակցել են ԱՄՆ Կոնգրեսի հայկական հարցերով կոմիտեին: Այս մասին հայտնում է Ամերիկայի Հայկական ասամբլեան:

Ասամբլեայի ներկայացուցիչները Կոնգրեսում ավելի քան 300 հանդիպում են անցկացրել, որ շնորհակալություն հայտնեն գործընկերներին եւ քննարկեն առանցքային հարցերը:

Անցած ամիս կոմիտե էին մտել նաեւ Ռուբեն Գալեգոն եւ Էնթոնի Բրաունը, որի շնորհիվ անդամների թիվը հասել է մինչեւ 117-ի:

Ասամբլեայի գործադիր տնօրեն Բրայան Արդունիի խոսքով՝ իրենք կոնգրեսականների հետ կշարունակեն աշխատել ամերիկա-հայկական հարաբերությունների ամրապնդման ուղղությամբ:

Հայկական հարցերով կոմիտեն հիմնադրվել է 1995 թվականին որպես ոչ պաշտոնական, օրենսդիրների երկկուսակցական  խումբ, որն զբաղվում է ԱՄՆ-ի եւ Հայաստանի հարաբերությունների աջակցությամբ եւ ամրապնդմամբ: Կոմիտեի համանախագահներն են Ֆրենք Փալոնը, Ջեքի Սփիերը, Դեւիդ Թրոթը, Դեւիդ Վալադաոն: Տեղակալներն են Ադամ Շիֆը եւ Գուս Բիլիրակիսը: