Երեւան քաղաքի ընդհանուր իրավասության դատարանի Ավան եւ Նոր Նորքի նստավայրում այսօր՝ հունվարի 31-ին, «Սասնա ծռերի» գործով նախագահող դատավոր Մեսրոպ Մակյանը բավարարեց ամբաստանյալ Պավլիկ Մանուկյանին ատամնաշարի պրեթեզավորում անելու միջնորդությունը։
Նշենք, որ Պավլիկ Մանուկյանին ատամնաշարի պրոթեզավորում կանի նրա անձնական ատամնաբույժ Արմեն Դեմիրճյանը։
«Սասնա ծռերի» գործով դատավոր Մակյանը նաեւ բավարարեց ամբաստանյալ Էվարդ Գրիգորյանի միջնորդությունը եւ նրա պաշտպան նշանակեց Մուշեղ Շուշանյանին։
Ամբաստանյալ Սմբատ Բարսեղյանն էլ միջնորդեց, որ դատարանում իր շահերը կրկին ներկայացնի Հայկ Ալումյանը, քանի որ ինքը հրաժարվում է հանրային պաշտպանի ծառայություններից։
Նշենք, որ այսօր հրապարակվում են գործով առկա ապացույցները։
Հիշեցնենք, որ «Սասնա ծռեր» խմբի գործով դատաքննությունը մի քանի ամիս շարունակ չէր սկսվում, նիստերն անընդհատ տապալվում էին, որից հետո որոշում կայացվեց գործը բաժանել 3 մասի:
«Սասնա ծռեր» խմբի 11 անդամի մասով գործը քննում է Արտուշ Գաբրիելյանը, իսկ անջատված մասերով երկու գործը քննում են Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մեսրոպ Մակյանն ու Էրեբունի եւ Նուբարաշեն վարչական շրջանների ընդհանուր իրավասության դատարանի նախագահ Արթուր Օհանյանը: