Դերասան եւ ռեժիսոր Արմեն Ջիգարխանյանը կրկին տեղափոխվել է մայրաքաղաքի հիվանդանոցներից մեկը, չորեքշաբթի օրը «ՏԱՍՍ»-ին հայտնել են բժշկական շրջանակներից:
«Արմեն Բորիսովիչը կրկին հոսպիտալացվել է մայրաքաղաքի հիվանդանոցներից մեկում, սակայն այս անգամ սրտի նոպայով եւ անգիտակից վիճակում: Այժմ նրան հանգիստ եւ բուժում է հարկավոր»,- հայտնել է գործակալության զրուցակիցը:
Աղբյուրի համաձայն՝ «շտապօգնության մեքենան դերասանին տարել է ռուսական Առաջին հեռուստաընկերության «Թող խոսեն» հաղորդումը դիտելուց հետո, որին հյուրընկալվել էր Ջիգարխանյանի նախկին կինը՝ Վիտալինա Ցիմբալյուկ-Ռոմանովսկայան: «Ջիգարխանյանի սրտի նոպան կապված է այն բանի հետ, որ նա մինչեւ վերջ չի բուժել թոքաբորբը, այդ պատճառով բարդություններ են առաջացել, եւ անհրաժեշտ է եղել անհապաղ հոսպիտալացնել նրան»,- նշել է աղբյուրը:
Նշվում է, որ դերասանի թատրոնում եւս հաստատել են հոսպիտալացման մասին տեղեկությունը: