ՀՀԿ-ի կողմից նախագահի թեկնածու առաջադրված, Մեծ Բրիտանիայում ՀՀ դեսպան Արմեն Սարգսյանը աշխատում է, հանդիպումներ է ունենում եւ պատրաստվում է Սերժ Սարգսյանի հետ հանդիպմանը։ Այդ մասին թեկնածուն ասել է այսօր՝ հունվարի 31-ին Թումե կենտրոնում, լրագրողների հետ զրույցում։

«Ես աշխատում եմ, հանդիպումներ եմ ունենում։ Սա ինձ համար աշխատանք է, եւ իմ աշխատանքով պատրաստվում եմ հաջորդ հանդիպմանը՝ նախագահի հետ։ Օրը չեմ կարող ասել, էական չէ դա։ Օրենքով սահմանված ժամանակաշրջանում»,- նշել է թեկնածուն։ Նա նշել է, որ դեռ վերջնական չի որոշե, երբ որոշի, կհայտնի այդ մասին։

Խոսելով Թումո կենտրոնի մասին, նա նշել է, թե կենտրոնն առաջին ծաղիկն է, որը ցույց է տալիս, թե ուր պիտի գնա Հայաստանը։ «Գյուղատնտեսությունից շինարարություն, արդյունաբերությունից բանկային համակարգ։ Արդյոք կա՞ մի ուղղություն, որը թույլ կտա Հայաստանին, քիչ ռեսուրսներով երկրին դուրս գալ իրականա միջազգային շուկա։ Կա մի ոլորտ, որտեղ կարող ենք ոչ միայն օգտագործել ներքին ռեսուրսը, այլեւ բերել սփյուռքին։ Դա տեղեկատվական տեխնոլոգիաներն են»,- նշել է Սարգսյանը։

Նրա խոսքով, զարմանալի չէ, որ փոքր Հայաստանը արտահանելու է Թումոյի ներդրած կրթական համակարգը։