Անահիտ Մինասյանն իր երեք երեխաների՝ երկվորյակներ Կարինեի եւ Մարինեի, որդու՝ Վազգենի հետ առաջին անգամ Քարվաճառից Երեւան է եկել 2014 թվականին։ Այն ժամանակ «Էրեբունի» բժշկական կենտրոնում աղջկան՝ Կարինե Մինասյանին անվճար կոխլեար իմպլանտացիա են կատարել, նրա մոտ ամբողջական սենսոնեւրալ ծանրալսություն էր։
Ապա ընտանիքը մի քանի անգամ եկել էր ստուգման եւ իմպլանտի կարգավորման։ 2016 թվականին Անահիտի ամուսինը՝ Աշոտը որոշել էր փորձել Երեւանում աշխատանք գտնել, եւ ընտանիքը տեղափոխվել էր Երեւան։
Սակայն 2017 թվականի ամռան սկզբին Աշոտը չպարզված հանգամանքներում մահացել է։ Ընտանիքը մնացել է առանց ապրուստի միջոցների։ Երեք երեխաների մոր` Երեւանում աշխատանք գտնելու բոլոր ջանքերը ապարդյուն են անցել, իսկ Քարվաճառի տնից ընտանիքն արդեն զրկվել է։
Այժմ Անահիտին, որպես Արցախի քաղաքացու, տուն են առաջարկում Քաշաթաղի (Լաչին) շրջանի Դրախտաձոր գյուղում։ Քաշաթաղի շրջանի վարչակազմի ղեկավարի տեղակալ Արտուշ Մխիթարյանը NEWS.am-ի հետ զրույցում նշեց, որ իրենք կաջակցեն ընտանիքին ինչով կարող են, անգամ Անահիտ Մինասյանին աշխատանք կառաջարկեն:
Անահիտը ասում է, որ առաջարկվող տունը ունի հողատարածք եւ գոմ։ Նրանք կարող են այգի տնկել, բանջարեղեն ցանել, կցանկանային նաեւ կով ձեռք բերել, բայց դրա համար անհրաժեշտ է շուրջ 350 000 դրամ։
Ընտանիքին օգնել ցանկացողները կարող են փոխանցում կատարել հետեւյալ հաշվեհամարներին՝
Converse Bank
AMD 1930051111510100
USD 1930051111510101
Ստացող՝ Անահիտ Մինասյան
Հեռ. 098410745