Նոր վարչապետի օրոք Կառավարության նիստերը կանցկացվեն դռնփակ: Օրենքի նախագիծը կառավարության այսօրվա՝ փետրվարի 1-ի նիստում ներկայացրեց արդարադատության նախարար Դավիթ Հարությունյանը, ով թվարկելով առաջարկվող փոփոխությունները' նշեց, որ օրենքով սահմանվել է, որ կառավարության ղեկավարը պետք է ապահովի կառավարության գործունեության հրապարակայնությունը և կառավարության անդամներից որևէ մեկը առանց վարչապետի թույլտվության չի կարող տեղեկատվություն տրամադրել։
Կառավարության նիստերը հրապարակային կլինեն միայն հատուկ դեպքերում։
Օրենքի նախագծի 10-րդ հոդվածով սահմանվում է, որ կառավարության նիստերը դռնփակ են: Վարչապետի որոշմամբ՝ նիստի մի մասը կարող է անցկացվել դռնբաց: Կառավարության անդամն իրավունք չունի առանց վարչապետի թույլտվության տեղեկատվություն հրապարակել կառավարությունում քննարկված որևէ հարցի քննարկման ընթացքի մասին:
Նշենք, որ մինչ օրս Հայաստանի կառավարության նիստեը դռնբաց են եղել, բացառությամբ գաղտնի հարցերի քննարկման ժամանակ:
