ԵԱՀԿ գործող նախագահ, Իտալիայի ԱԳ նախարար Անջելինո Ալֆանոն հայտարարել է Լեռնային Ղարաբաղի հարցում ձեռք բերված համաձայնությունների կատարման անհրաժեշտության մասին:
Մոսկվայում ՌԴ ԱԳ նախարար Սերգեյ Լավրովի հետ համատեղ մամուլի ասուլիսի ժամանակ Ալֆանոն պատասխանելով ԵԱՀԿ գործող նախագահի անձնական ներկայացուցչի գրասենյակի ընդլայնման հետեւանքով բանակցային գործընթացի համար օգուտի մասին հարցին՝ նշել է, որ Իտալիայի նախագահությունը շատ կարեւոր է համարում կազմակերպված աջակցության ցանկացած ձեւը, որը չափազանց օգտակար կլինի դրված նպատակներին հասնելու համար:
«Սրանից ելնելով՝ խոսքը կարեւոր եւ դրական քայլի մասին է: Աշխատանքը, որը կատարվել է եւ պետք է կատարվի, համապատասխանում է Հելսինկյան եզրափակիչ ակտին»,- նշել է Իտալիայի ԱԳ նախարարը: Նա նաեւ ընդգծել է Սերգեյ Լավրովի ակտիվ աշխատանքի մասին: Ավարտելով՝ նա աջակցություն է հայտնել ԵԱՀԿ ՄԽ համանախագահների գործունեությանը: