News
Լրահոս
News
Շաբաթ
Օգոստոս 18
Տեսնել լրահոսը

«Փաստ» օրաթերթը գրում է.

ԱՄՆ ֆինանսների նախարարությունն օրերս մի զեկույց հրապարակեց: Զեկույցում ընդգրկված էին Ռուսաստանի գործարար ու քաղաքական դաշտի այն ներկայացուցիչները, որոնք կարող են ապագայում հայտնվել հնարավոր պատժամիջոցների տակ: «Կրեմլյան զեկույցում» 210 անձ է ներառվել՝ այդ թվում հայ գործարարներ Սամվել Կարապետյանը, Դանիլ Խաչատուրովը եւ Սերգեյ Գալիցկին:

Քաղաքագետ Վիգեն Հակոբյանի կարծիքով՝ ցանկը նախազգուշական է:

«Այն հոգեբանական որոշակի պրեսինգի նպատակ ունի: Այսինքն՝ ցույց տալ, որ բոլոր մարդիկ, ովքեր ընդգրկված են այդ ցուցակում, ուղղակիորեն կապված լինելով Վ. Պուտինի վարչախմբի հետ, փորձեն հնարավորինս վերանայել իրենց գործունեությունն ու մոտեցումները: Այդ մարդիկ այժմ նման են շարժվող թիրախների: Թեեւ նրանց նկատմամբ սանկցիաներ չեն կիրառվում, բայց ցանկացած պահի կարող են վերածվել թիրախի, որոնց հանդեպ կարող են կիրառվել այդ սանկցիաները՝ սկսած ԱՄՆ մուտքի արգելքից, վերջացրած ակտիվների սառեցմամբ: Այդ թվում կարող են խնդիրներ լինել արեւմտյան բանկային եւ վարկային ռեսուրսների մատչելիության առումով: Կարող են արգելել իրենց հետ առհասարակ գործարքներ կնքել: Իսկ եթե սանկցիաներից հետո գործընկեր կազմակերպությունները նրանց հետ գործ ունենան, իրենք եւս պատժամիջոցների կենթարկվեն»,– «Փաստ»–ի հետ զրույցում ասաց քաղաքագետը:

Նրա խոսքով՝ դեռ վաղ է ասել, թե վերոնշյալը որքանով կազդի ՀՀ–ի վրա. «Բայց պարզ է, որ ՀՀ–ի տնտեսությունը, իշխանությունները բավականին սերտաճած են ՌԴ–ի որոշ տնտեսական շրջանակների հետ: Այդ ցուցակում գտնվող որոշ տնտեսվարողների, օլիգարխների գործունեության նկատմամբ եւս հետաքրքրություններ ունեն: Կան մարդիկ, ովքեր ծրագրում են ՀՀ–ում ներդրումներ իրականացնել: Եթե սանկցիաներ եւ կապիտալի սառեցում լինի, եւ նրանք ֆինանսական ռեսուրսների պակաս զգան, բնականաբար, այդ փաստն իր ազդեցությունը կունենա:

Շարունակությունը՝ թերթի այսօրվա համարում

Տպել
Կարդացեք նաև
Ամբողջը
Հայաստանում նշել են Օշականի ճակատամարտի 191-ամյակը եւ հարգանքի տուրք մատուցել զոհված ազատամարտիկներին
Օշականի ճակատամարտը ցույց է տվել, որ Հայաստանի եւ Ռուսաստանի ժողովուրդները միասին կարող են հաղթահարել ցանկացած դժվարություն…
ԱԱԾ-ն պատրաստ է աջակցել ՀՀ-ում ՌԴ ԱԴԾ սահմանապահ վարչությանը. Արթուր Վանեցյան (ֆոտո)
Քննարկելով երկկողմ համագործակցության հարցերը...
ՀՀ վարչապետը եւ Ռուսաստանի նախագահը հեռախոսազրույց են ունեցել
Հայկական կողմի նախաձեռնությամբ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ...
Բարեկամության տանը ՌԴ պաշտպանության նախարարին առանձնապես հետաքրքրել է հայկական տաղավարը
Նույնիսկ փորձել է ազգային փողային երաժշտական գործիք պարկապզուկ նվագել…
ՀՅԴ ներկայացուցիչները ՌԴ դեսպանի հետ հայ-ռուսական ռազմավարական հարաբերությունների հարցեր են քննարկել
Անդրադարձ է կատարվել Արցախի հիմնահարցի խաղաղ կարգավորման ուղղությամբ շարունակական ջանքերի...
Դավիթ Տոնոյանը Սերգեյ Շոյգուին է ներկայացրել Նախիջեւանյան ուղղությամբ տիրող իրավիճակը
Պարոն Դավիթ Տոնոյանն իր գործընկերոջն է ներկայացրել արցախա- ադրբեջանական ուժերի…
Partner news