News
Լրահոս
News
Կիրակի
Հունվար 20
Տեսնել լրահոսը

ՀՀ էներգետիկ ենթակառուցվածքների եւ բնական պաշարների նախարար Աշոտ Մանուկյանն այսօր՝ փետրվարի 2-ին, աշխատանքային այցով Արմավիրի մարզում էր: Նախարարի գլխավորությամբ Հայկական ատոմային էլեկտրակայանում տեղի է ունեցել աշխատանքային խորհրդակցություն՝ նվիրված ատոմակայանի անվտանգության մակարդակի բարձրացման ուղղությամբ իրականացված ծրագրային աշխատանքներին, ատոմային էլեկտրակայանի երկրորդ էներգաբլոկի շահագործման ժամկետի երկարաձգման եւ արդիականացման ծրագրով նախատեսված աշխատանքների 2-րդ փուլի նախապատրաստական աշխատանքներին, որն, ըստ ժամանակացույցի, կմեկնարկի ապրիլի 14-ին: Խորհրդակցությանը մասնակցել է Հայկական ատոմային էլեկտրակայանի ղեկավար եւ ինժեներական անձնակազմը։

Օրակարգի մեկ այլ հարցով անդրադարձ է եղել արդիականացման միջոցառումների ծրագրին: Պատասխանատուների հավաստմամբ, կատարված ուսումնասիրությունների հիման վրա երկրորդ փուլում նախատեսվում է իրականացնել սարքերի եւ սարքավորումների փոխարինման  աշխատանքներ:

Աշոտ Մանուկյանը կարեւորել է ՀԱԷԿ-ի անձնակազմի պատրաստվածության մակարդակը բարձրացնելու համար անհրաժեշտ աշխատանքները: Նախարարը բարձր է գնահատել ՀԱԷԿ-ի աշխատակիցների ներդրումը, աշխատանքային փորձն ու արհեստավարժությունը, միեւնույն ժամանակ ընդգծել ատոմային էներգետիկայի բնագավառում երիտասարդ մասնագետներ պատրաստելու անհրաժեշտությունը՝ ատոմակայանի աշխատակիցների կազմը երիտասարդ կադրերով համալրելու նպատակով:

Աշոտ Մանուկյանը շրջայց է կատարել կայանում, ծանոթացել ՀԱԷԿ-ի ընթացիկ աշխատանքներին, արտադրատնտեսական գործունեության արդյունքներին, ինչպես նաեւ երկրորդ էներգաբլոկի շահագործման ժամկետի երկարացման նպատակով իրականացվող միջոցառումների նախապատրաստության ընթացքին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վրաստանը եւ «Գազպրոմը» երկու շաբաթվա ընթացքում կպայմանավորվեն Հայաստան գազի տարանցման շուրջ
Արդյունքները կհրապարակվեն նոր պայմանների քննարկումից հետո...
«Իմ քայլը». Աշխատակիցների հնարավոր կրճատումը «Գազպրոմ Արմենիա» ընկերության գործն ու իրավունքն է
«Գազպրոմ Արմենիայի» եւ իշխանությունների միջեւ բանակցությունները շարունակվում են...
ԵՏՄ վարչապետները փետրվարի 1-ին կքննարկեն միությունում գազի փոխադրման գնագոյացումը
Այս հարցը փետրվարի 1-ին կքննարկվի վարչապետների մակարդակով․․․
ԳԴՀ էկոնոմիկայի նախարարը պատասխանել է «Հյուսիսային հոսք-2»-ի առիթով ԱՄՆ-ի քննադատությանը
Գերմանիայի էկոնոմիկայի նախարար Պետեր Ալթմայերը հանգիստ է արձագանքել ․․․
Վրաստանը չի հրաժարվի Հայաստան ռուսական գազի տարանցումից
Վրաստանը չի պատրաստվում հրաժարվել տրանզիտային գործառույթներից․․․
Շուտով կտրվի Երեւանում նոր ՋԷԿ-ի շինարարության մեկնարկը. «Ռենկո»-ի գլխավոր գործադիր տնօրեն
Նախարարի պաշտոնակատարն ընդունել է «Ռենկո» ընկերության գլխավոր գործադիր տնօրենին...
Ամենաշատ
Ֆոտոռեպորտաժներ