Գերմանիայի իշխանություններն ապաստան են տվել 2016 թվականին Թուրքիայում ռազմական հեղաշրջման ենթադրյալ կազմակերպիչ Իլհամին Պ․-ին եւ հեղաշրջմանը մասնակցություն ունեցած երեք այլ բարձրաստիճան թուրք զինվորականների: Այս մասին հաղորդում է Spiegel-ը:

Ավելի վաղ Թուրքիայի դատախազությունը մեղադրանք էր ներկայացրել Անկարայի ռազմական ակադեմիայի ղեկավար Իլհամին Պ.-ն՝ մեղադրելով պետական դավաճանության եւ ահաբեկչական կազմակերպությունների հետ կապված լինելու մեջ:

ԵՄ-ի եւ Թուրքիայի հարաբերությունները վատթարացել էին Թուրքիայում 2016 թվականի ռազմական հեղաշրջման փորձից հետո։

Հատկապես սրվել էին Թուրքիայի հարաբերությունները Ավստրիայի հետ, որը պնդում է ԵՄ-ին անդամակցելու հարցով Թուրքիայի հետ վարվող բանակցությունների դադարեցման շուրջ, ինչպես նաեւ վատթարացել էին հարաբերությունները Գերմանիայի հետ, որը Թուրքիայում իրավապաշտպանների ձերբակալման հետեւանքով հայտարարել էր Անկարայի  նկատմամբ վարվող տնտեսական քաղաքականության, վարկային եւ ներդրումային ծրագրերի վերանայման մասին։