News
Լրահոս
News
Չորեքշաբթի
Նոյեմբեր 14
Տեսնել լրահոսը


Հայաստանում միջին ամսական աշխատավարձը 2017 թվականի դեկտեմբերի դրությամբ կազմել է 240 հազար դրամ (497 դոլար)՝ նախորդ տարվա նույն ամսվա նկատմամբ աճելով 2,6 տոկոսով: Այս մասին նշված է Ազգային վիճակագրական ծառայության հրապարակած զեկույցում:

2017 թվականին միջին ամսական աշխատավարձը կազմել է մոտ 194 հազար դրամ՝ 2016-ի համեմատ աճը կազմել է 2,9 տոկոս:

Հատկանշական է, որ միջին ամսական աշխատավարձի կտրուկ աճ է գրանցվել 2017 թվականի նոյեմբերից դեկտեմբեր ընկած հատվածում. Այսպես, եթե նոյեմբերին միջին աշխատավարձը կազմել է մոտ 192 հազար դրամ, ապա արդեն դեկտեմբերին այդ ցուցանիշը դարձել է 240 հազար դրամ: Աճը կազմել է ավելի քան 25 տոկոս:

Հետաքրքիր է նաեւ պետական եւ ոչ պետական հատվածներում աշխատավարձերի տարբերությունը: Պետական հատվածում 2017-ի դեկտեմբերին աշխատավարձը կազմել է մոտ 207 հազար դրամ, իսկ ահա մասնավոր հատվածում այդ ցուցանիշը կազմել է 278 հազար դրամ:

Հետաքրքրական է դիտարկել նաեւ աշխատավարձերի չափերը ըստ Հայաստանի մարզերի: Որքան էլ խոսվում է մարզերի համաչափ զարգացման մասին, աշխատավարձերը տարբեր մարզերում կտրուկ տատանվում են: Եվ այսպես, 2017 թվականի նոյեմբերի տվյալներով, ամենաբարձր աշխատավարձը ստանում են Սյունիքի մարզում (մոտ 243 հազար դրամ), ինչը պայմանավորված է նրանով, որ այստեղ են գործում հանքարդյունաբերական ձեռնարկությունները:

Երկրորդ տեղում Երեւանն է, որտեղ աշխատավարձը կազմում է 208 հազար 500 դրամ: 3-րդ եւ 4-րդ տեղերում են Տավուշի եւ Արմավիրի մարզերը՝ համապատասխանաբար 161 500 դրամ եւ 160 800 դրամ ցուցանիշներով:

Կոտայքի մարզում միջին ամսական աշխատավարձը կազմել է 158 800 դրամ, Լոռիում՝ 155 800 դրամ:

Այս տեսանկյունից հետնապահը Արագածոտնի մարզն է, ապա Շիրակն ու Վայոց Ձորը: Արագածոտնի մարզում միջին աշխատավարձը կազմում է 122 հազար դրամ, Շիրակի մարզում՝ 132 300 դրամ, իսկ Վայոց Ձորում՝ 145 800 դրամ:

Ըստ գործունեության ոլորտների ամենից բարձր աշխատավարձը ՏՏ ոլորտում է, ապա գալիս են ֆինանսական գործունեւության եւ ապահովագրության ոլորտները: Ամենացածր վարձատրվող ոլորտներն են գյուղատնտեսությունը, կրթությունն ու մշակույթը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՌԴ օդանավակայաններում անհավասար պայմանների առկայությունը հակասում է ԵՏՄ-ում առողջ մրցակցության սկզբունքներին. Շաբոյան
Տեղեկացնենք, որ «Տարոն Ավիան» դիմել էր ՏՄՊՊՀ՝ դժգոհելով ռուսական օդանավակայանների տարբերակված գնային քաղաքականությունից...
Դոլարի վերելքը կանգ չի առնում. Նրան միացել է եվրոն
Թանկարժեք մետաղների համար բանկի կողմից սահմանվել են հետեւյալ գները...
2019-ից Հարկային ծառայությունը միջոցներ կձեռնարկի անկանխիկ գործառնությունների ավելացման համար
Big Data-ի օգտագործումը հարկային վերլուծության մեջ նույնպես առաջնային խնդիր է ՊԵԿ-ի համար...
Բա ո՞ւր մնաց հեղափոխություն, ո՞ւր մնաց կոռուպցիայի դեմ պայքարը. Գագիկ Մինասյանը թվային համեմատություն արեց
Կառավարության ծրագրում հեղափոխական, առաջանցիկ զարգացման թեզեր էին գործունեության բոլոր ոլորտներում, սակայն այսօր բյուջեի քննարկման ժամանակ հնչում են բոլորովին այլ գնահատականներ, որ բյուջեն իներցիոն է ...
Ներդրողներն ուսումնասիրում են ՀՀ-ում պղնձաձուլարաններ ստեղծելու հավանականությունը. Փաշինյան
Սա նշանակում է, որ մենք ոչ թե ուղղակի խտանյութը կարտահանենք...
Դուք ընտրվեցիք վարչապետ, բայց ներդրումները դեռ հեռախոսազանգերի մակարդակում են. Կյուրեղյանը՝ Փաշինյանին
Հիմա խոստումների հիման վրա՞ եք ուզում զարգացնել ՏՏ ոլորտը, գյուղատնտեսությունն ու զբոսաշրջությունը...
Partner news