News
Լրահոս
News
Երեքշաբթի
Հոկտեմբեր 16
Տեսնել լրահոսը

Փետրվարի 2-4-ը աշխատանքային այցով Արցախում է Հայաստանի Հանրապետության Ազգային ժողովի մշտական հանձնաժողովների նախագահների եւ խմբակցությունների ղեկավարների պատվիրակությունը:

Արցախի ԱԺ-ից NEWS.am-ին հայտնում են, որ այցի ծրագրի շրջանակում փետրվարի 3-ի վաղ առավոտյան ՀՀ ԱԺ պատգամավորները ԱՀ ԱԺ նախագահի տեղակալ Վահրամ Բալայանի ուղեկցությամբ այցելել են Ստեփանակերտի հուշահամալիր եւ ծաղիկներ խոնարհել զոհված ազատամարտիկների շիրիմներին: Այնուհետեւ ԱԺ նիստերի մեծ դահլիճում տեղի է ունեցել երկու հանրապետությունների խորհրդարանականների ընդլայնված կազմով հանդիպումը:

Ողջունելով ներկաներին՝ ԱԺ նախագահ Աշոտ Ղուլյանը Արցախի խորհրդարանի համար առանցքային է համարել Հայաստանի Հանրապետության խորհրդարանի հետ տարեցտարի կատարելագործվող հարաբերությունները, հանձնաժողովային պարբերական հանդիպումներն ու համագործակցության միջխորհրդարանական հանձնաժողովի նիստերը:

Այդ համատեքստում ԱԺ նախագահը ներկայացրել է 2017թ-ին երկու խորհրդարանների շփումները, որոնք հիմնականում ուղղված են եղել տարբեր երկրների խորհրդարանների հետ ակտիվ աշխատանքների կազմակերպման նպատակին՝ ղարաբաղյան հիմնախնդրի էության պարզաբանմանը ու Արցախի միջազգային ճանաչմանը:

«Վստահ եմ, որ սկսված 2018 թվականին եւս շարունակելու ենք գործել նույն եռանդով՝ օգտագործելով մեր հաջողված փորձը՝ խորհրդարանական դիվանագիտության հնարավորություններն ընդլայնելու համար»,-նշել է Աշոտ Ղուլյանը:

Շնորհակալություն հայտնելով ընդունելության համար՝ ՀՀԿ խմբակցության  ղեկավար Վահրամ Բաղդասարյանը ընդգծել է, որ այսուհետ եւս պետք է աշխատեն երկու հանրապետությունների խորհրդարանների միջեւ կապերի ակտիվացման եւ ոլորտային հարցերի քննարկման ուղղությամբ: Այնուհետեւ ՀՀԿ խմբակցության ղեկավարը ներկայացրել է Ղարաբաղյան շարժման 30-ամյակի կապակցությամբ, միջխորհրդարանական բարեկամական կապերի ամրապնդման գործում ունեցած նշանակալի ավանդի համար Արցախի Հանրապետության Ազգային ժողովի նախագահ Աշոտ Ղուլյանին ՀՀ Ազգային ժողովի պատվո մեդալով պարգեւատրելու մասին ՀՀ ԱԺ նախագահ Արա Բաբլոյանի կարգադրությունը:

Ելույթներով հանդես են եկել ՀՀ ԱԺ մշտական հանձնաժողովների նախագահները եւ խմբակցությունների ներկայացուցիչները, ովքեր ներկայացրել են մի շարք ոլորտային հարցերի շուրջ Հայաստանի խորհրդարանում ընթացող քննարկումների մասին տեղեկատվություն, որոնց մի մասը օրվա երկրորդ կեսին նախատեսում են քննարկել ԱՀ գործընկերների հետ համապատասխան հանձնաժողովներում:

Աշխատանքային այցի առաջին օրը ՀՀ պատգամավորներն այցելել են Ստեփանակերտի «Թումո» ստեղծարար տեխնոլոգիաների կենտրոն:

Այցի ծրագրով նախատեսված են նաեւ պատվիրակության անդամների հանդիպումները Արցախի Հանրապետության նախագահ Բակո Սահակյանի, պետական նախարար Արայիկ Հարությունյանի եւ պաշտպանության նախարար Լեւոն Մնացականյանի հետ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արցախի ԱԳ նախարարն ընդունել է Ֆրանկոֆոն մամուլի միջազգային միության վարչության մի խումբ անդամների
Հանդիպման ընթացքում Մասիս Մայիլյանը ներկայացրել է Արցախի արտաքին քաղաքականության գերակա ուղղությունները...
Արցախի նախագահն ընդունել է Ռամկավար ազատական կուսակցության Լիբանանի շրջանային վարչության պատվիրակությանը
Հանդիպմանը քննարկվել են արտաքին եւ ներքին քաղաքականությանն ու Արցախի սոցիալ-տնտեսական զարգացմանն առնչվող մի շարք հարցեր…
Քարվաճառում կկառուցվի «Սիդնեյ» թաղամաս. Արցախի պետնախարարն ընդունել է «ԱՐԻ» ընկերության բաժնետերերին
Ողջունելով հյուրերին՝ պետական նախարարը բարձր է գնահատել «ԱՐԻ» ընկերության դերը Արցախի վերաբնակեցման քաղաքականությանն աջակցության հարցում՝ ընդգծելով գյուղատնտեսության եւ բնակարանաշինության...
Նախագահ Բակո Սահակյանի հետ քննարկել ենք հարցերի լայն շրջանակ. Արցախում է ՀՀ նախագահ Արմեն Սարգսյանը
Ամեն անգամ Արցախ գալով՝ ես այն բացահայտում եմ նորովի: Ինչ-որ իմաստով ես տուն եմ գալիս: Այս անգամ այցելել եմ կնոջս հետ եւ մասնակցել Վերածննդի...
Արցախի ԱԺ «Հայրենիք» խմբակցությունը ՄԻՊ պաշտոնում թեկնածու է առաջադրել Արտակ Բեգլարյանին
Մարդու իրավունքների պաշտպանության ոլորտում նա ունի փորձ, աշխարհի լավագույն կրթական հաստատություններում ստացել է բարձրորակ կրթություն, տիրապետում է մի քանի լեզուների …
ՀՀ նախագահը Ստեփանակերտում ներկա է գտնվել «Բերքի տոն» տոնավաճառին (ֆոտո)
Արմեն Սարգսյանը շրջել է տաղավարներով, զրուցել իրենց արտադրանքը ներկայացնող գյուղացիների...
Partner news