Հայաստանի ԱԻՆ-ում, այսօր՝ փետրվարի 3-ին, ժամը 15:34-ին ահազանգ է ստացվել, որ Արմավիր-Մեծամոր ավտոճանապարհին տեղի է ունեցել ավտովթար. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Արմավիր-Մեծամոր ավտոճանապարհի 7-րդ կմ-ին բախվել են «Mercedes C» եւ «Mercedes E» մակնիշի ավտոմեքենաները. կա 1 զոհ եւ 6 տուժած:
Մինչ փրկարարների դեպքի վայր հասնելը տուժածներ՝ 16-ամյա Մ. Պ.-ն, 20-ամյա Ն. Դ.-ն, 16-ամյա Ա. Գ.-ն, 27-ամյա Գ. Գ.-ն, 49-ամյա Մ. Մ.-ն եւ 22-ամյա Ա. Մ.-ն հոսպիտալացվել են Արմավիրի ԲԿ, որտեղ տուժածներից Ա. Գ.-ի առողջական վիճակը գնահատվել է ծանր, իսկ մնացածինը՝ միջին ծանրության:
49-ամյա Մ. Մ.-ն տեղափոխվել է Երեւան քաղաքի Իզմիրլյան ԲԿ: