Իտալիայի Մաչերետա քաղաքում օտարերկրացիների վրա հարձակում գործելու մեջ կասկածվողը ձերբակալվել է, փոխանցում է DW-ն։
Իտալական Ansa տեղեկատվական գործակալությունը փետրվարի 4-ին հաղորդել է, որ Իտալիայի 28-ամյա քաղաքացին գտնվում է կալանքի տակ Անկոնում։ Դատախազությունը նրան մեղադրում է ռասիզմի հողի վրա արյունոտ հաշվեհարդար տեսնելու մեջ։
Հաղորդվում է նաեւ, որ 2017 թվականին կասկածյալը քաղաքապետի ընտրություններում առաջադրվել էր «Հյուսիսի լիգա» պոպուլիստական կուսակցության թեկնածու։ Նա պատմել է, որ հարձակումից առաջ ռադիոյով լսել է մի քանի օր առաջ 18-ամյա աղջկա սպանության մասին լուրը։ Սպանության մեջ կասկածվող Նիգերիայի քաղաքացին ձերբակալվել էր։
Ոստիկանության բարձրաստիճան պաշտոնյա Միքելե Ռոբերտին հայտարարել է, որ ըստ ամենայնի, կասկածյալը հարձակումն իրականացրել է որպես աղջկա սպանության «յուրօրինակ վրեժ»։ Սակայն հետաքննությունը սպանված աղջկա եւ ձերբակալվածի միջեւ կապ չի հայտնաբերել։