Անկարան հետաքննում է, թե որ երկիրն է քրդական կազմավորումներին զենք տրամադրել, որով փետրվարի երեքին Սիրիայի Աֆրին քաղաքում խոցել են թուրքական տանկը։ Այս մասին հայտարարել է երկրի նախագահ Ռեջեբ Թայիբ Էրդողանը, փոխանցում է «ՌԻԱ Նովոստի»-ն։
«Մենք ունենք որոշակի ենթադրություններ, սակայն ժամանակից շուտ չենք հայտարարի, պետք է սպասել հստակ արդյունքներին»,-նշել է Էրդողանը։
Հիշեցնենք, որ Թուրքիայի գլխավոր շտաբից ավելի վաղ հայտնել էին, որ քրդերը թուրքական տանկ են խոցել, որի արդյունքում զոհվել են հինգ զինվորականներ։
Թուրքական «Ձիթենու ճյուղը» Սիրիայում. քրդերը խոստանում են հակահարված տալ
