Չինաստանի հարավային Գուանդուն նահանգի թուջաձուլական գործարանում վթարի պատճառով շմոլ գազով թունավարման հետեւանքով մահացել է 8 մարդ, 10-ը տուժել: Այս մասին նշված է Weibo սոցցանում հրապարակված Շաոգուան շրջանի վարչակազմի հաղորդագրության մեջ:
Պատահարը տեղի է ունեցել երկուշաբթի տեղական ժամանակով 03.00-ին Սյուցզյան շրջանում, երբ դեռեւս անհայտ պատճառով գործարանի գազատարի վրա վթար է տեղի ունեցել: Այդ պահին գործարանում գտնվող 18 մարդիկ ուժեղ թունավորում են ստացել եւ արագ հիվանդանոց տեղափոխվել: 8 մարդ մահացել է, մնացած 10-ի կյանքին վտանգ չի սպառնում:
Վթարից անմիջապես հետո դեպքի վայր են ժամանել իրավապահ մարմինների աշխատակիցները եւ փրկարարները, ինչպես նաեւ շրջանի վարչակազմի ղեկավարը: Ներկայումս պատահարի պատճառների հետաքննություն է կատարվում:
