ՄԱԿ-ի փոստային վարչությունը փետրվարի 15-16-ի գիշերը լուսնային օրացույցով Շան տարվա կապակցությամբ թեմատիկ նամականիշներ է թողարկել: Ինչպես երկուշաբթի օրը հայտնել է Չինաստանի Կենտրոնական հեռուստատեսությունը, տոնական հավաքածուի թողարկումը սկսվել է շաբաթ օրը, փոխանցում է «ՏԱՍՍ»-ը:
Մեկ ֆիլատելիստական նշանի արժեքը 7.5 յուան է (մոտ 1.15 դոլար): Նամականիշի դիզայնը բաղկացած է երկու մասից՝ ՄԱԿ-ի տարբերանշանը՝ նամականիշի ձախ կողմում եւ գալիք տարվա խորհրդանիշը՝ աջ կողմում: Դիզայնը իրականացվել է չինական ավանդական ոճով՝ դեղին եւ կարմիր գույներով: