Ղրղզստանում ձերբակալվել է գունավոր պրինտերով ղրղզական եւ արտասահմանյան թղթադրամներ տպած դրամանենգերի խումբ, երկուշաբթի հայտնել են երկրի ՆԳՆ մամուլի ծառայությունից:
Մամուլի ծառայության տեղեկացմամբ՝ Ղրղզստանի Չույսկի մարզի Տոկմակ քաղաքի ուսումնական հաստատություններից մեկի աշխատակիցները կազմակերրպել են կեղծ թղթադրամների զանգվածային արտադրոթյուն: Ուսանողական հանրակացարանում կատարված խուզակությամբ, որտեղ բնակվել է ձերբակալվածներից մեկը, պահարանում հայտնաբերվել են կեղծ թղթադրամներ, որոնց թվում՝ 500 սոմ (7,3 դոլար) անվանական արժեքով 143 թղթադրամ, 200 սոմ (2,3 դոլար) 3 թղթադրամ, 100 դոլար անվանական արժեքով մեկ թղթադրամ: Ավելի ուշ Տոկմակի տներից մեկում եւս հայնաբերվել է 158 հատ կեղծ թղթադրամ՝ 1000-ական սոմ (14,6 դոլար) անվանական արժեքով, ինչպես նաեւ կեղծված 500 եվրո եւ 100 դոլար թղթադրամներ:
ՆԳՆ-ից հայտնել են, որ դրամանենգերը չեն հասցրել կեղծ թղթադրամները զանգվածաբար ներդնել երկրի ֆինանսական շրջանառության մեջ:
