Պարզվել են Բաքվում տղամարդու՝ որդու կողմից դաժան սպանության մանրամասները:
Ինչպես փոխանցում է olke.az-ն, 21-ամյա Էլմեդին Ալիեւը ձերբակալությունից հետո դատախազին նախնական ցուցմունքներ տալիս հայտնել է, որ հայրը սեռական փոքրամասնության ներկայացուցիչ էր:
Զինվորական ծառայությունից վերադառնալուց հետո Է.Ալիեւը բակում տհաճ խոսակցություններ է լսել հոր մասին: Հասակակիցները նրան ասել են, որ իր հայրը՝ Իբրահիմ Ալիեւը, նույնասեռական է, եւ որ մի քանի մարդ նրա հետ սեռական հարաբերություն է ունեցել: Էլմեդին Ալիեւը, ամոթին չդիմանալով, Վելիջան Դադաշեւի եւ Նաջմեդին Իսմայիլովի հետ միասին որոշել է սպանել հորը: Է.Ալիեւի տված ցուցմունքների հիման վրա Իբրահիմ Ալիեւի մարմնի դատաբժշկական փորձաքննություն է նշանակվել: Փորձաքննությունից հետո պարզ կդառնա՝ տղամարդը նույնասեռական էր, թե ոչ:
Հիշեցնենք, որ փետրվարի 1-ի գիշերը Փիրալլահի շրջանի բնակիչ Ազեր Ալիեւի ամառանոցային տարածքում հրդեհ էր բռնկվել: Դեպքի վայրի ստուգման ժամանակ ոստիկանության եւ համայնքի դատախազության աշխատակիցներն այրված դի էին հայտանբերել: Պարզվել էր, որ մահացած Իբրահիմ Ալիեւը տան սեփականատիրոջ եղբայրն էր: Տղամարդը սպանվել էր դանակով: Ի.Ալիեւը ծառայում էր որպես նավաստի:
