«Հեռուստատեսության եւ ռադիոյի մասին» օրինագծի մշակման վրա էապես ազդել է հայ պաշտոնյաների մտածելակերպը: Այս մասին փետրվարի 5-ին լրագրողների հետ հանդիպման ժամանակ հայտարարեց Երեւանի մամուլի ակումբի նախագահ Բորիս Նավասարդյանը:
Նրա խոսքով՝ օրինագծի հեղինակները կարծում են, որ կարիք չկա մարզերում ավելի քան մեկ տեղական հեռուստաալիք ունենալ: «Սա նշանակում է, որ կլինի միայն մեկ հեռուստաալիք, որը կպաշտպանի գործող իշխանության շահերը»,- կարծում է Նավասարդյանը:
Բացի այդ, ըստ վերջինիս, Հայաստանի քաղաքական վերնախավի կարծիքով՝ Հայաստանը աղքատ երկիր է, եւ այստեղ չկա այն շուկան, որը կկարողանար ապահովել բոլոր հեռուստաընկերությունների կենսագործունեությունը, ինչից էլ հետեւում է, որ անհրաժեշտ է համապատասխան բացասական պայմաններ ստեղծել, որպեսզի դրանք չշարունակեն բազմանալ եւ զարգանալ: Սակայն, նրա կարծիքով, նման մոտեցումը կարել է ընդունելի եւ արդարացված համարել միայն այն դեպքում, եթե այս շուկայում համապատասխան պայմաններ ստեղծվեին առողջ մրցակցության համար:
Հիշեցնենք, որ 2017 թվականի նոյեմբերին ՀՀ կառավարության կողմից հաստատվեց «Հեռուստատեսության եւ ռադիոյի մասին» օրենքի նախագիծը: «Հեռուստատեսության եւ ռադիոյի մասին» օրենքի նախագծի մշակումը պայմանավորված էր սահմանադրական փոփոխություններով: Ի պատասխան մի շարք հասարակական կազմակերպությունների կողմից հնչեցված մեղադրաքներին առ այն, որ ՀՀ Կառավարությունը չի ցանկանում լայն քննարկումներ անցկացնել տվյալ օրինագծի վերաբերյալ, ՀՀ Արդարադատության նախարարությունը, որը եւ մշակել է այս աղմկահարույց օրինագիծը, հայտարարել էր, որ այն հրատարակվել էր իրավական տեղեկատվության կայքում, սակայն հատկացված ժամանակահատվածում որեւէ առաջարկ չի եղել:
