ԱՄՆ նախագահ Դոնալդ Թրամփը դեմոկրատ կոնգրեսական, հետախուզության հարցերով կոմիտեի անդամ Ադամ Շիֆին մեղադրել է գաղտնի տեղեկությունների արտահոսքի մեջ, փոխանցում է Reuters-ը։
Հանձնաժողովը հետաքննում է 2016-ին նախագահական ընտրություններին Ռուսաստանի միջամտությունը։
«Ադամ Շիֆֆը լքել է հանձնաժողովի լսումները, որպեսզի ապօրինաբար հրապարակի գաղտնի տեղեկությունները։ Դա պետք է կանգնեցնել»,- գրել է Թրամփն իր Twtter միկրոբլոգում։
Անցած շաբաթվա վերջին Կոնգրեսի հետախուզության հարցերով հանձնաժողովը հրապարակել է փաստաթուղթ, որը ենթադրում է, որ ՀԴԲ-ն ու Արդարադատության նախարարությունը անկողմնակալ չեն եղել Թրամփի հանդեպ իրենց հետաքննության ընթացքում։
Թրամփը հայտնել է, որ այդ փաստաթուղթը ամբողջովին արդարացնում է իրեն, բայց քննադատները պնդում են, որ հաշվի չի առնվել հիմնական համատեքստը։ Դեմոկրատները պահանջում են հերքում հրապարակել։