Porsche-ն մոդելային շարքի էլեկտրաֆիկացման համար ներդրված գումարը երեքից վեց միլիարդ եվրոյի կկրկնապատկի: Այս գումարը նախատեսվում է ծախսել մինչեւ 2022 թվականը: Համապատասխան որոշումը կայացվել է ապրանքանիշի դիտորդական խորհրդի վերջին նիստում, գրում է Motor- ը:
Ընդհանուր առմամբ, լրացուցիչ գումարից մոտ մեկ միլիարդ եվրոն նախատեսվում է ծախսել արդեն առկա մոդելների էլեկտրական եւ հիբրիդային տեսակներիի ստեղծման համար:
Հինգ հարյուր միլիոն եվրո կուղղվի Mission E էլեկտրական մեքենայի արտադրության ու դրա տարբերակների համար, իսկ 700 միլիոնը կծախսվի նոր տեխնոլոգիաների մշակման, լիցքավորման ենթակառուցվածքների եւ «խելացի» էլեկտրոնային համակարգերի ստեղծման համար: Մի քանի հարյուր միլիոն կներդրվի ձեռնարկությունների ընդլայնման համար:
