ԱՄՆ սպորտային մարմնամարզության հավաքականի նախկին բժիշկ Լարի Նասարը փետրվարի 5-ին սեքսուալ բռնության համար 40-ից մինչեւ 125 տարվա ազատազրկման է դատապարտվել, հաղորդում է Reuters-ը:
Washington Post-ը հաղորդում է, որ Նասարին Իտոն նահանգում Twistars մարմնամարզության ակումբի երեք մարզուհիների հանդեպ սեքսուալ բռնության երեք կետերով մեղավոր են ճանաչել: Նասարը ընդունել է մեղքը, գրում է CNN-ը:
Իտոն նահանգի դատավճիռը Նասարայի համար դարձավ 3-րդը: Ավելի վաղ նրան արդեն դատապարտել էին անչափահասների հանդեպ սեսքուալ բռնության համար, որոնք Ինգեմ նահանգում կատարվել էին բժշկական պրոցեդուրաների պատրվակով: Այնտեղ Նասարը 40-ից մինչեւ 175 տարվա ազատազրկում էր ստացել: Մանկական պոռնոգրաֆիա պահելու համար նա դատապարտվել է 60 տարվա ազատազրկման:
Լարի Նասարը Միչիգանի համալսարանում բժիշկ է եղել եւ աշխատել է ԱՄՆ սպորտային մարմնամարզության հավաքականի հետ: Ավելի քան 250 աղջիկներ եւ կանայք, այդ թվում սպորտային մարմնամարզության օլիմպիական չեմպիոններ Գաբրիել Դուգլասը, Էլի Ռայսմանը եւ Մաքայլա Մարոնին նրան սեռական ոտնձգությունների մեջ են մեղադրել:
