Մալդիվների նախագահ Աբդուլլա Յամենը Գերագույն դատարանի՝ քաղբանտարկյալներին ազատ արձակելու որոշումից հետո ներքին քաղաքական ճգնաժամի կապակցությամբ 15 օրով արտակարգ դրության մտցնելու մասին է հայտարարել:
AFP-ի տվյալներով՝ վերջին տարիներին Մալդիվներում այլախոհության ճնշման հետեւանքով քաոս է տիրում այն բանից հետո, երբ նախագահը 2013-ին իշխանության գալուց հետո գրեթե ամբողջ քաղաքական ընդդիմությանը բանտարկել էր:
Այս որոշումը Յամենի հակառակորդներին հնարավորություն է տալիս խորհրդարանական մեծամասնություն ստանալ, ինչը կարող է հանգեցնել նրա իմպիչմենտին:
Բացի այդ, դատարանի որոշումը նախկին նախագահ Մոհամեդ Նաշիդի վերադարձի համար հնարավորություն է ստեղծել, որը մեղադրվել էր ահաբեկչության մեջ եւ արտաքսվել Մեծ Բրիտանիա: Առաջիկա ընտրություններում Նաշիդը կարող է գործող նախագահի մրցակիցը դառնալ:
Սակայն Յամենի կառավարությունը մինչ օրս հրաժարվել է կատարել դատարանի որոշումը: