Հունաստանի վարչապետ Ալեքսիս Ցիպրասը կարգադրել է խոհրդարան փոխանցել շվեյցարական Novartis դեղագործական ընկերության հունական մասնաճյուղի շուրջ կոռուպցիոն սկանդալի գործով բարձրաստիճան քաղաքական գործիչների կաշառակերության վերաբերյալ փաստաթղթերը: Այս մասին երկրի արդարադատության նախարար Ստավրոս Կոնտոնիսը լրագրողներին հայտնել է վարչապետի մոտ խորհրդակցությունից հետո, որը վերաբերում էր աշխարհի 55 երկրներում դեղերի գնի բարձրացմանը, փոխանցում է «ՌԻԱ Նովոստի»-ն:
Ըստ լրատվամիջոցների հրապարակումների՝ գործում ներգրավված են 2 նախկին վարչապետ եւ 8 նախկին նախարար: Մի քանի քաղաքական գործիչներ, որոնց անունները մամուլում հրապարակվել են, հերքել են Novartis-ի գործին ցանկացած մասնակցություն:
Արդարադատության նախարարը նրանց անունները չի հրապարակել, սակայն նշել է, որ Novartis-ի գործը «ժամանակակից հունական պետության ստեղծումից ի վեր ամենամեծ սկանդալն է»: Երեքշաբթի առավոտյան գործը կփոխանցվի խորհրդարանի նախագահին, կիրազեկվեն քաղաքական կուսակցությունները, եւ փաստաթղթերի հիման վրա նրանք կկարողանան իրենց դիրքորոշումը մշակել, հայտարարել է Կոնտոնիսը: