ԵՏՄ երկրների կողմից արդյունաբերական ապրանքների նկատմամբ հատուկ սուբսիդիաները Եվրասիական տնտեսական հանձնաժողովի հետ կամավոր համաձայնեցնելու եւ ԵՏՄ երկրների կողմից հատուկ սուբսիդիաների տրամադրման հետ կապված` Եվրասիական տնտեսական հանձնաժողովի կողմից քննություն անցկացնելու կարգի մասին» համաձայնագիրը նպատակ ունի ԵՏՄ երկրների միջեւ բարեխիղճ մրցակցություն ապահովել: Այս մասին, այսօր՝ փետրվարի 6-ին, ԱԺ-ում հիշյալ հմաձայնագրի քննարկման ժամանակ նշեց ՀՀ տնտեսական զարգացման և ներդրումների նախարարի տեղակալ Հովհաննես Ազիզյանը:
Նրա խոսքով, համաձայնագիրը հնարավորություն կընձեռի կիրառել արդյունաբերական ապրանքների նկատմամբ հատուկ սուբսիդիաների համաձայնեցման մեխանիզմը: «Համաձայնագրով կարգավորվում են հատուկ սուբսիդիաների տրամադրման հանձնաժողովի եւ անդամ երկրների միջեւ փոխգործակցությունը, նաեւ կամավոր ընթացակարգերով հատուկ սուբսիդիաների համաձայնեցման ընթացքը: Մեծ առումով սա սահմանում է, թե որոնք են արդյունաբերական ապրանքների մասով տրվող սուբսիդիաները, նաեւ թե որ սուբսիդիաներն են արգելված»:
Փոխնախարարը նշեց, որ հատուկ սուբսիդիաները տրամադրվում են կոնկրետ ձեռնարկությանը կամ գոյություն ունի հայեցողական մոտեցում, այսինքն չկան չափանիշներ, որ այս-այս ընկերությունները համապատասխանում են չափանիշներին, մյուսները չեն համապատասխանում եւ չեն կարող սուբսիդիա ստանալ:
Համաձայնագիրը նաեւ ենթադրում է, որ մաքսային տարածքում ԵՏՄ երկրներն իրավունք չունեն իրար նկատմամբ կիրառել հակադեմպինգային կամ գնագոյացման գործընթացներ. «Սա մի կողմից հնարավորություն է տալիս չխեղաթյուրել ընդհանուր շուկան, այսինքն չկիրառել մեկը մյուս հանդեպ հատուկ սուբսիդավորում, մյուս կողմից խրախուսում է համատեղ արտադրությունները: Եթե դրանք կամավոր սուբսիդիաներ են, ապա փոխհատուցման մեխանիզմ չի գործում, իսկ եթե չեն համաձայնեցվել նախօրոք, ապա անդամ երկրները կարող են դիմել սուբսիդիա տրամադրող պետությանը՝ համապատասխան փորձաքննություն իրականացնելու: Եթե կա վնասի փաստացի իրավիճակ, այդ վնասը կարող է փոխհատուցվել»,-ընդգծեց Ազիզյանը:
ՀՀԿ խմբակցության պատգամավոր Խոսրով Հարությունյանն էլ իր հերթին նշեց, որ ԵՏՄ-ում բոլորի համար նույն պայմաններ են գործում, ու եթե որեւէ երկիր որոշել է իր արտադրողներից մեկին խթանել սուբսիդիա տրամադրելով, ապա դա կարող է հանգեցնել մրցակցային արհեստական առավելությունների. «Այս համաձայնագրի իմաստը հենց այն է, որ ԵՏՄ մյուս երկրների նկատմամբ դա չհանգեցնի նման առավելությունների, որից նա կարող է վնաս կրել: Հետեւաբար, եթե որեւէ մեկը նման ցանկություն ունի, պարտավոր է տեղեկացնել ԵՏՄ համապատասխան հանձնաժողովին, որը կարող է համաձայնել, կամ ոչ: Եթե համաձայնությունը չի ստացվում եւ որեւէ անդամ երկիր շարունակում է սուբսիդավորումը եւ լարվածություն է առաջացնում այլ երկրների շուկաներում, ապա այս համաձայնագիրը թույլ է տալիս դիմել եւ փոխհատուցում ստանալ»:
Նրա խոսքով, հիմնականում հատուկ սուբսիդավորումը վերաբերելու է բարձր տեխնլոգիաներին, որի նպատակը տեխնոլոգիանակ առաջընթացի խթանումն է:
Որեւէ թանկացում արտաքին ազդակի արդյունք չի եղել. Հարկերն եք բարձրացրել. Սերգեյ Բագրատյան
ՄԻԵԴ-ում պարտվելուց հետո դատավորները պետք է համաչափորեն պատասխանատվություն կրեն. Գեւորգ Կոստանյան
Կմիանա՞ ՀՅԴ-ն տարածքային ցուցակներով ընտրակարգը փոխելու «Ծառուկյան» խմբակցության նախաձեռնությանը
Ընդդեմ թանկացումների. «Ելք»-ը ստորագրահավաք է սկսում ԱԺ արտահերթ նիստ հրավիրելու հարցով
