Ոստիկանության Բազումի բաժնի ծառայողների ձեռնարկած օպերատիվ-հետախուզական միջոցառումների եւ բացատրական աշխատանքների շնորհիվ փետրվարի 5-ին, ժամը 11.45-ին, կամավոր բաժին է ներկայացել 1979 թ. ծնված Գարեգին Ա.-ն։
Նա փետրվարի 1-ից հետախուզվում էր ՀՀ քրեական օրենսգրքի 375 հոդվածի (իշխանությունը չարաշահելը, իշխանազանցությունը կամ իշխանության անգործությունը) 1-ին մասի, 365 հոդվածի (մարտական հերթապահություն կամ մարտական ծառայություն կրելու կանոնները խախտելը) 1-ին մասի եւ 314 հոդվածի (պաշտոնեական կեղծիքը) 1-ին մասի մեղադրանքով պատժի կրումից խուսափելու համար: