Լեհաստանի նախագահ Անջեյ Դուդան որոշել է ստորագրել Ազգային հիշողության ինստիտուտի մասին վերամշակված օրենքը, որով պատիժ է սահմանվում «լեհական մահվան ճամբարներ» արտահայտության օգտագործման եւ Հոլոքոստին լեհերի մասնակցությունը հաստատող փաստերի տարածման համար, ինչը հանրապետության իշխանություններն անարդար են համարում: Երկրի նախագահի համապատասխան հայտարարությունը երեքշաբթի հեռարձակել է Լեհական հեռուստատեսությունը:
«Հաշվի առնելով Լեհաստանի եւ լեհերի բարի անունը պահպանելու անհրաժեշտությունը՝ ես որոշել եմ ստորագրել վերամշակված տարբերակը»,-նշել է Դուդան:
