Հյուսիսային Կարոլինայից 42-ամյա Սթիվեն Փլադլը եւ նրա 20-ամյա դուստր Քեթին կալանավորվել են արյունապղծության մեղադրանքով:
Վիրջինիայում, որտեղ սկսվել է նրանց կապը, եւ որտեղ նրանց մեղադրանք է առաջադրվել, նման մեղադրանքով առավելագույն պատիժը 10 տարվա ազատազրկումն է:
Ծնողները Քեթիից հրաժավել են, երբ նա դեռեւս նորածին էր, հայտնում է WNCN-TV-ն: Աղջիկը մեծացել է որդեգիր ընտանիքում եւ հարազատ հորը հանդիպել է միայն 2016 թվականին՝ նրան գտնելով համացանցով: Այդ ժամանակ նա ապրում էր Ռիչմոնդի արվարձանում՝ Քեթիի մոր եւ 2 դուստրերի հետ: Շուտով այնտեղ է տեղափոխվել նաեւ ավագ դուստրը:
2017-ի մարտին Սթիվենը ապահարզան է տվել: Կնոջ խոսքով՝ իր հեռանալուց առաջ ամուսինը մշտապես քնում էր Քեթիի սենյակում հատակին: 2017-ի մայիսին ինքը տեղեկացել է, որ ավագ դուստրը հղի է:
Դատական նյութերի համաձայն՝ կրտսեր դուստրերն ասել են, որ Քեթիի երեխան Սթիվենից է, եւ որ նա իրենց խնդրել է Քեթիին մայրիկ անվանել:
Քեթին եւ Սթիվենն ամուսնացել են Մերիլենդում եւ տեղափոխվել են Հյուսիսային Կարոլինա: Անցյալ տարվա աշնանը նրանք որդի են ունեցել: Փլադլի նախկին կնոջ կարծիքով՝ ամուսինը «Քեթիի ուղեղը լվացել է եւ նրան մանիպուլացրել»:
