Ամերիկացի միլիարդատեր, մի քանի խաղատների սեփականատեր Սթիվ Վիննը սեփական Wynn Resorts ընկերության գլխավոր տնօրենի պաշտոնից հեռացել է ոտձգությունների մեղադրանքների ֆոնին, նշված է ընկերության մամուլի հաղորդագրության մեջ, փոխանցում է «ՌԻԱ Նովոստի»-ն:
Վինն իրեն ոտնձգությունների մեջ մեղավոր չի համարում:
«Վերջին շաբաթներին ես հայտնվել եմ բացասական գովազդի կենտրոնում: Ես մտածել եմ այն հարցի շուրջ, թե դա ինչպիսի մթնոլորտ է ստեղծում՝ այնպիսի, որի դեպքում հապշտապ դատողությունները մնացյալ ամեն ինչից ավելի կարեւոր են, ներառյալ փաստերից: Ես եկել եմ այն եզրակացության, որ ներկայիս կարգաիճակում չեմ կարող արդյունավետ աշխատել: Այնպես որ՝ անմիջապես հեռանում եմ գլխավոր տնօրենի եւ ընկերության տնօրենների խորհրդի նախագահի պաշտոնից, որը հիմնադրել ու սիրում եմ»,- հայտարարել է միլիարդատեր բիզնեսմենը:
Ընկերությունն իր հերթին Վիննին շնորհակալություն է հայտնել, որ «ստեղծել է ժամանակակից Լաս Վեգաս» եւ շատ բան արել ժամանցի ինդուստրիայի զարգացման համար:
