News
Լրահոս
News
Երեքշաբթի
Նոյեմբեր 13
Տեսնել լրահոսը


Կոնգրեսի հայկական հարցերով հանձնախմբի  համանախագահ Դեյվիդ Վալադաոն, Արտաքին հարաբերությունների հանձնաժողովի անդամ Բրեդ Շերմանը եւ եւս 29 անդամներ կոչ են արել ԱՄՆ ֆինանսների նախարար Սթիվեն Մնուչինին բանակցել հնացած՝ սառը պատերազմյան շրջանում Հայաստանի հետ կնքված կրկնակի հարկման մասին համաձայնագիրը, որը ճանաչում է ԱՄՆ-ն, բայց ոչ Հայաստանը։

Նույն օրը Մնուչինը, պատասխանելով կոնգրեսականներին հետաքրքրող հարցին, հաստատել է, որ ֆինանսների նախարարությունն ԱՄՆ-Հայաստան կրկնակի հարկումն բացառող համաձայնագիրն ուսումնասիրելու համար միջոցներ կհատկացնի։

«Բացի կրկնակի հարկումը բացառելու անմիջական օգուտից, այդպիսի համաձայնագիրը կամրապնդի հայ եւ ամերիկացի ժողովուրդների բարեկամությունը, կհեշտացնի երկկողմ տնտեսական հարաբերությունների զարգացումը՝ այդպիսով, խորացնելով Հայաստանի հարաբերությունները Արեւմուտքի հետ եւ Երեւանին տալով ռազմավարական կարեւոր հնարավորություններ եւ անկախություն տարածաշրջանային ուժերի հետ հարբերություններում»,-նշել է Հայ դատի հանձնախմբի խորհրդի անդամ Աիդա Դիմեջյանը։

«Ամերիկյան եւ հայկական բիզնեսները սերտ կապեր ունեն եւ վաղուց ժամանակն է վերջ դնել երկու ժողովուրսներին պարտադրված կրկնակի հարկումը»,-բացատրել է Վալադաոն։

Ներկայացուցիչների պալատի անդամներ Վալադոյի եւ Շերմանի նախաձեռնությանն են միացել Արտաքին հարաբերությունների հանձնաժողովի նախագահ Էդ Ռոյսը, Հետախուզության հարցերով հանձնաժողովի դեմոկրատ անդամ Ադամ Շիֆը, Կոնգրեսի Հայկական հարցերով հանձնախմբի  անդամներ Ֆրանկ Պալոնեն, Ջեքի Սփեյերը եւ եւս 25 կոնգրեսականներ։

Կոնգրեսականների նամակում նշված է, որ խորհրդային շրջանի համաձայնագիրը չի արտացոլում  հայ եւ ամերիկացի ժողովուրդների բարեկամությունը եւ կոչ է անում նախարար Մնուչիին առաջնահերթություն տալ Հայաստանի հետ կրկնակի հարկման համաձայնագրի վերանայումը։

Նշենք, որ 2015 թվականին ԱՄՆ-Հայաստան առեւտրի եւ ներդրումների շրջանակային համաձայնագրի ստորագրումից հետո հայ դատի հանձնախումբը մի շարք օրենսդիրների հետ ակտիվորեն աշխատում է, որպեսզի հասնեն Ֆինանսների նախարարության կողմից Հայաստանի եւ ԱՄՆ-ի միջեւ կրկնակի հարկման պայմանագիրը վերանայելուն։

Նոր համաձայնագիրը ներդրողների եւ բիզնեսով զբաղվող անհատների համար պետք է հաստատի հստակ իրավական շրջանակներ՝ կանխելով կրկնակի հարկումը եւ հեշտացնելով տնտեսական հարբերությունների ծավալումը։

Նշենք, որ ԱՄՆ-ն կրկնակի հարկման բացառման համաձայնագրեր ունի  կնքած մի շատ փոքր երկրների հետ, ինչպիսիք են՝  Էստոնիան, Լատվիան, Լիտվան, Մալթան եւ Սլովենիան: Իր հերթին Հայաստանը այդպիսի համաձայնագրեր ունի այնպիսի առաջատար երկրների հետ, ինչպիսիք են՝ Ավստրիան, Բելգիան, Կանադան, Չինաստանը, Ֆրանսիան, Իտալիան, Նիդեռլանդները, Լեհաստանը, Ռուսաստանը, Միացյալ Թագավորությունը եւ այլ երկրներ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վաշինգտոնը Երևանից ակնալում է համագործակցություն Իրանի ապակայունացնող վարքագծի դադարեցմանն ուղղված ճնշումների հարցում
Միացյալ Նահանգները Հայաստանին դիտարկում է որպես սերտ բարեկամ և գործընկեր․․․
Կոնգրես է անցել երրորդ ամերիկահայը
Էնթոնիի նախապապերը ծնունդով Մարդինից են…
«Հայաստանն այսօր շատ լավատեսական երկիր է». Ամերիկացի բարձրաստիճան պաշտոնյա
Նա վերահաստատեց, որ ԱՄՆ սատարում է ղարաբաղյան հիմնախնդրի խաղաղ կարգավորման գործընթացը ԵԱՀԿ-ի համաձայնեցված սկզբունքների ներքո, հայտնի որպես մադրիդյան սկզբունքներ...
ԱՄՆ-ի Կոնգրեսում հայերի թիվը կարող է կրկնապատկվել
Բրինդիսիի մասին ասում են, որ նա գործիչ է, ով կարողանում է միավորել թե՛ կուսակից դեմոկրատ եւ թե՛ հանրապետական գործիչներին...
Ջոն Բոլթոնի հետ հանդիպումը համարում եմ խոշոր, դիվանագիտական նվաճում. Փաշինյանը խոստացավ փակագծերը հետո բացել
Մեր հանդիպման բովանդակությունը որեւէ կապ չունի այն մտահոգությունների հետ, որոնք հնչում են հայկական իրականության մեջ...
Մեր դիրքորոշումը Բոլթոնի համար եղել է պարզ, ընկալելի եւ, նույնիսկ, ընդունելի. Փաշինյան
Այդ դիրքորոշումը շատ հստակ վերահաստատվել է պարոն Բոլթոնի հետ իմ ունեցած հանդիպման ընթացքում…
Ամենաշատ
Partner news